Ditën e sotme vendi ynë do të ndikohet nga kushte atmosferike të paqëndrueshme.
Moti parashikohet me vranësira mesatare dhe t&e...
SHOWBIZ
450 mijë euro gjobë për Adeyemin: Sulmuesi i Borussia Dortmund flet për herë të parë dhe pranon gabimin
PiranjatPërditësimi i fundit 19 Nëntor 2025, 14:08
Karim Adeyemi, sulmuesi i Borussia Dortmundit dhe i dashuri i reperes kosovare Loredana, ka folur për herë të parë pas gjobës prej 450 mijë eurosh që mori nga shteti gjerman për armëmbajtje të paligjshme.
Në një postim në Instagram, Adeyemi pranoi se ka bërë një gabim dhe shprehu pendesën e tij: “Në fillim të vitit 2024, nga pakujdesia dhe pa menduar vërtet, porosita në internet një ‘Mystery Box’. Brenda saj ndodheshin sende të ndaluara nga ligji për armëmbajtje. Disa muaj më vonë, paketa u dërgua dhe përfundoi rastësisht në polici. Ky ishte një gabim i madh për të cilin më vjen shumë keq.”
Futbollisti shtoi se është i vetëdijshëm për rolin e tij publik dhe rëndësinë e shembullit që duhet të japë: “E di që jam në vëmendjen e publikut dhe kam një rol si shembull. Në këtë rast nuk kam vepruar si duhet. Pikërisht për këtë arsye më dhemb edhe më shumë që kam vepruar kaq me lehtësi. Kam mësuar nga kjo dhe ju premtoj se do të shmang gabime të tilla në të ardhmen.”
Adeyemi theksoi se ka mësuar nga ky incident dhe është i vendosur të veprojë më përgjegjshëm, duke shmangur gabime të ngjashme në të ardhmen.
