Shtetet e Bashkuara dhe Irani janë në një pikë kritike në negociatat e tyre për të përfunduar fazën e parë t...
SHOWBIZ
Beyonce ndez pistën e F1 në Las Vegas/ Fansat “çmenden”, e lavdërojnë që sfidon trendet e rrezikshme të Hollywood-it
PiranjatPërditësimi i fundit 24 Nëntor 2025, 14:34
Beyonce rrëmbeu vëmendjen e të gjithëve gjatë Grand Prix të Las Vegasit këtë fundjavë, ku u shfaq me një kostum PVC super elegant me dekolte dhe me logon e Ferrarit. Këngëtarja 44-vjeçare tregoi linjat e saj mbresëlënëse, këmbët e tonifikuara dhe format e saj të përkryera, duke ndezur pistën me një pamje tërheqëse dhe tejet të fuqishme.
Ajo e kompletoi look-un me një mantel të gjatë të po së njëjtës ngjyrë, taka të larta, syze të errëta, doreza të zeza dhe një çantë me kuadrate bardh e zi, duke shkëlqyer mes yjeve të F1.
Fansat u entuziazmuan menjëherë, sidomos në “Reddit”, ku shumë prej tyre e vlerësuan për faktin që nuk ka ndjekur trendin e rrezikshëm të humbjes së peshës me injeksione Ozempic, që është përhapur tek shumë personazhe të njohur të Hollywood-it.
Një përdorues shkroi: “Ajo nuk po i dorëzohet trendit të Hollywood-it me Ozempic. Respekt!”
Të tjerë u shprehën të mahnitur: “Beyonce po më kthen në një fans të madh të F1. Mbretëresha ime është fanse e Ferrarit!”
Gjatë eventit, diva ishte e shoqëruar nga Jay-Z, ndërsa më herët çifti kishte bërë hyrje dramatike në pistë me një tjetër veshje garash në stil lëkure.
Sipas “Daily Mail”, Beyonce ishte veçanërisht e emocionuar për takimin me pilotin legjendar të Ferrarit, Lewis Hamilton, i cili jo vetëm bisedoi me ta, por edhe e shëtiti këngëtaren me makinë nëpër pistë një moment që fansat e tyre e quajtën “epik”.
Getoar Selimi ka prekur rrjetin me dedikimin e tij plot emocione për vajzën Marget, e cila sot feston 4-vjetorin. Reperi publikoi portretin e saj, t...
