Ergys Agasi i është drejtuar Gjykatës së Posaçme kundër Korrupsionit dhe Krimit të Organizuar (GJKKO), duke kërkuar ...
SHOWBIZ
Dashuri dhe debate: Si e mbajnë gjallë marrëdhënien Albani dhe Bieta
PiranjatPërditësimi i fundit 15 Tetor 2025, 15:03
Edhe pse në ekran duken gjithmonë të qeshur dhe plot harmoni, Alban Dudushi dhe Bieta Sulo kanë treguar se si çdo çift tjetër, edhe ata kanë momentet e tyre të debatit sidomos kur bëhet fjalë për punën.
Në një intervistë, moderatori rrëfeu se kur kanë punuar bashkë, mes tyre nuk kanë munguar debatet profesionale.
“Kishim shumë debate kur punonim bashkë. Gjatë emisionit, për të ftuarit, temat, mënyrën si duhej trajtuar një çështje. Por sapo shkonim në shtëpi, harrohej gjithçka,” u shpreh Albani, duke shtuar me humor se “në fund, ka pasur raste kur Bieta ka pasur më shumë të drejtë, por edhe unë.”
Ai e pranoi gjithashtu se Bieta është më kokëfortë:
“Ti do thuash ‘a ka pasur më shumë të drejtë Bieta?’ Po, ndoshta. Ne jemi qenie bazike, ju jeni 2.0. Kam një mikeshë që thotë që kur përplasemi, bëjmë xixa. Bieta është më kokëfortë.”
Albani shtoi me dashuri se ndonëse grindjet janë pjesë e përditshmërisë, ato nuk ndikojnë në marrëdhënien e tyre:
“Ne jemi të lumtur me njëri-tjetrin, edhe pse zihemi shumë. Bieta e ka maninë e perfeksionit. I vetmi që i shpëton kritikave të saj është djali ynë, Kroi.”
Në fund, Albani dha një mesazh që shumë çifte mund ta marrin si shembull:
“Kur punojmë me partnerin dhe grindemi në punë, nuk e marrim inatin në shtëpi!”
