Një grup deputetësh dhe kolegësh nga shumë parti në Britani po kërkojnë një ligj të ri për të adresuar ...
AKTUALITET
Denoncimi: Premë biletat, por festivali “Las Vegas Magic” nuk u zhvillua në Tiranë! Viti i dytë që mashtrohemi
PiranjatPërditësimi i fundit 3 Maj 2026, 18:42
Qytetarët kanë denoncuar anulimin e papritur të eventit “Las Vegas Magic Festival”, duke theksuar se janë mashtruar nga organizatorët pasi kishin blerë biletat paraprakisht.
Një denoncim i mbërritur në “Piranjat” News tregon se janë rreth 200 persona që kishin prerë biletat për të ndjekur shfaqjen, ndërsa anulimi është bërë në moment të fundit. Ata shprehen se është viti i dytë radhazi që ndodh e njëjta situatë me të njëjtin event. Denoncuesi thotë se artisti ishte njoftuar për anulimin rreth dy javë më parë, ndërsa qytetarët janë informuar vetëm një ditë para përmes emailit. Sipas tyre, organizatorët e kanë justifikuar anulimin me shitjen e ulët të biletave.
Denoncimi i qytetarit:
“Jemi nja 200 veta. Kemi prerë biletat. Këta na kanë mashtruar. Viti i dytë që ndodh e njëjta gjë. Artisti është lajmëruar dy javë para për anulimin. Ne na kanë lajmëruar 1 ditë para me email. Ndërkohë kishin dy javë që e dinin. Me preteksin meqe su shitën shumë bileta po anullohet. Krijojnë evente me risk zero. Po u shitën mirë po su shitën varja. Ndërkohë kishte shumë njerëz me fëmije që kishin ardh nga rrethet dhe e moren vesh nga roja tek parku olimpik”
Çfarë është festivali
‘Las vegas magic festival’ do të sillte në Tiranë për tri ditë, iluzionistët më të njohur në botë. Në aktivitet do të merrnin pjesë 6 iluzionistë, ndër më të njohurit në botë, ku pritej të performonin iluzione të cilat zhdukin kufijtë e botës reale dhe asaj imagjinare. Që nga shekulli i 19-të, arti i iluzioneve është kthyer në formën më të famshme të argëtimit në botë. /PiranjatNews/
