Komisioni Evropian ka shprehur shqetësimin se projekti i planifikuar në zonën e mbrojtur Pishë Poro–Nartë mund të ketë ...
SHOWBIZ
‘Do krijoja histori dashurie në BBV’/ Greta Kazazi rrëfen për marrëdhëniet e tensionuara! Ja çfarë do donte nga Juela
PiranjatPërditësimi i fundit 26 Mars 2026, 21:16
Greta ka vendosur të flasë pa dorashka! E ftuar në emisionin Fiks Fare, e pyetur nga dyshja Juli dhe Xhemi, ish-banorja e Big Brother ka zbuluar detaje që nuk janë parë gjatë qëndrimit të saj në shtëpinë më të famshme në Shqipëri. Ajo rrëfen se rikthimi në jetën reale nuk ka qenë aspak i lehtë, duke theksuar se i është dashur rreth një javë për t’u ambientuar me ritmin e përditshëm. Por jashtë e prisnin edhe kritikat e prindërve, të cilët i kanë vënë në dukje se në disa momente “ka dalë nga vetja” për njerëz që nuk e meritonin vëmendjen e saj. Vetë Greta pranon se provokimet mund t’i kishte menaxhuar më mirë.
Një nga deklaratat më të forta erdhi kur u pyet për lojën e saj. Nëse nuk do të ishte në një lidhje, gjithçka do të kishte qenë ndryshe. Madje, ajo pranon se mund të kishte krijuar edhe një histori dashurie brenda shtëpisë. Sa i përket përjashtimit të papritur, Greta shprehet se nuk e kishte menduar kurrë një skenar të tillë. Megjithatë, me humor shton se do të mbahet mend gjatë, pasi u përjashtua në mes të Prime-t, një moment i rrallë për spektaklin.
Marrëdhëniet me banorët mbeten një pikë e nxehtë. Për Juelën, Greta shprehet se pas daljes së saj pret një bisedë të qetë dhe pa keqkuptime: “Nuk pres të bëhemi shoqe të ngushta, por një marrëdhënie respekti reciprok. Çfarë ndodhi në shtëpinë më të famshme të Shqipërisë, mbetet aty.”
Ndërsa raportin me Selinën e përshkruan si “thikë me dy presa”, duke pranuar se në disa momente ka ndjerë edhe ngarkesë emocionale si një barrë shtesë. “Jemi dy karaktere të ndryshme, unë më e ndjeshme Selinë më e ftohtë”. Pyetjes me humor të Julit se a mund të jetojnë në një shtëpi bashkë Greta po me humor i përgjigjet “ Jo nuk do jetojmë në një shtëpi bashkë”. Situata kalohet me humor ku Juli i përgjigjet po me batutë “ Po ku jetohet me Selinën në një shtëpi!”. Vëmendje iu dha edhe raportit Gimbo – Selinë. Greta beson se mes Gimbos dhe Selinës ka kimi të fortë. Sipas saj, edhe pse ai ka një natyrë më të afërt dhe ajo më të ftohtë, mes tyre mund të ketë një të ardhme.
Pavarësisht gjithçkaje, Greta nuk harron të falënderojë formatin, duke e cilësuar si një eksperiencë për të cilën do të jetë gjithmonë mirënjohëse.
