Pak orë para protestës së paralajmëruar, Policia ka rrethuar me barriera metalike perimetrin pranë Parlamentit, nga Xhamia e Namazgja...
SHOWBIZ
Don Phenom dhe kushti i pazakontë për Big Brother VIP
PiranjatPërditësimi i fundit 24 Tetor 2025, 15:26
I ftuar në emisionin “Pardon My French” në Top Albania Radio, reperi i njohur Don Phenom zhvilloi një intervistë të sinqertë dhe plot energji, ku rrëfeu për jetën personale, karrierën muzikore dhe projektet e reja që do të publikojë së shpejti.
Gjatë bisedës nuk munguan pyetje për Big Brother VIP, një format shumë i komentuar nga publiku. Don Phenom u shpreh me humor, por edhe me vendosmëri, se nuk do të pranonte të bëhej pjesë e spektaklit, përveçse nëse plotësohej një kusht i veçantë:
“Në Big Brother mund të futem vetëm nëse është formati që të burgosin. A e dini që ekziston një version i Big Brother-it në botë ku futen në burg? Vetëm ashtu mund të futem. Sepse duhet talent nervash – nuk e di a kam aq talent për të duruar. Nuk do toleroj se do më vijë në majë të hundës. Aty shihet kush mund të jetë më i zoti që të mos shpërthejë. Debatet mund t’i përballoja, por ofendimet jo.”
Ai vazhdoi duke treguar se për të ky element është i domosdoshëm:
“Janë disa pika shumë delikate ku mund të futet familja në rol dhe, e dini çfarë? Më mirë po rri kështu dhe bëj tifozin nga larg. Formati është i bukur, por nëse do të ishte ai format i burgut brenda, atëherë do të ishte perfekt për mua. Atëherë unë do të kisha ditur si të merresha, përndryshe jo. Kështu që, drejtora, ju lutem futeni burgun brenda, vendoseni opsionin e tillë dhe Doni futet direkt. Atëherë e shohim se sa nerva kanë…”
Qasja e Don Phenom tregoi jo vetëm humorin dhe karakterin e tij të fortë, por edhe mënyrën se si ai i sheh sfidat dhe limitet e tij, duke i përkushtuar gjithmonë energjitë projekteve muzikore dhe jo konflikteve të panevojshme.
