Një tjetër eurodeputet i Parlamentit Europian ka reaguar i indinjuar ndaj dhunës së policisë me urdhër të kryeministrit...
SHOWBIZ
E vërteta e ndarjes mes Bora Zemanit dhe Donald Veshaj: A ishte xhelozia shkaku?
PiranjatPërditësimi i fundit 11 Tetor 2025, 12:53
Thashethemet për një ndarje të mundshme mes moderatores Bora Zemani dhe aktorit Donald Veshaj ndezën rrjetet sociale gjatë orëve të fundit, duke përmendur si arsye xhelozinë.
Megjithatë, burime të sigurta dhe një verifikim i thjeshtë në rrjete tregojnë se këto lajme nuk janë të vërteta. Dyshja vazhdon të ndjekë njëri-tjetrin në Instagram, përgënjeshtruar pretendimet se kanë fshirë fotot e përbashkëta apo janë ndarë.
Madje, Bora ka shpërndarë së fundmi një nga projektet e fundit të Donaldit në llogarinë e saj, duke treguar qartë se marrëdhënia mes tyre vazhdon të jetë e fortë dhe e qëndrueshme.
Edhe pse kanë zgjedhur të mos ekspozohen shpesh publikisht, Bora dhe Donaldi po fokusohen në karrierat e tyre. Moderatorja vijon prezantimin në ekran, ndërsa Donaldi është angazhuar në art me skulpturë, pikturë dhe arkitekturë.
Çifti që ka qenë në qendër të vëmendjes për romancën e tyre, është parë shpesh në momente të përbashkëta plot dashuri. Bora, në një intervistë të fundit, ka folur edhe për planet e martesës:
“Nuk e shoh si diçka që do ta ndryshonte raportin tonë. Ne jetojmë bashkë, e shijojmë marrëdhënien tonë në çdo drejtim. Martesa s’do të sillte ndonjë ndryshim të madh.”
Pra, pavarësisht zërave në media, Bora dhe Donaldi mbeten bashkë dhe të lumtur, duke dëshmuar se lidhja e tyre është më e fortë se thashethemet.
