Gjatë deklaratës së tij pas seancës në Kuvend kreu demokrat Berisha tha për gazetarët se, ‘Edi Rama është n&e...
SHOWBIZ
Eminem bëhet gjysh për herë të dytë në moshën 51-vjeçare, lajmi konfimohet nga vajza tij e adoptuar
PiranjatPërditësimi i fundit 14 Tetor 2025, 15:03
Reperi i njohur amerikan, Eminem, do të bëhet gjysh për herë të dytë. Lajmin e ka konfirmuar vajza e tij e adoptuar, Alaina Scott, e cila përmes një postimi në rrjetet sociale njoftoi se është shtatzënë me fëmijën e saj të parë.
Alaina ndau disa fotografi të realizuara me bashkëshortin e saj, Matt Moeller, ku në njërën prej tyre shihet me një bluzë të bardhë me mbishkrimin “Bebi Moeller, vjen në vitin 2026”. Ajo e shoqëroi postimin me mbishkrimin: “Bebi M, mezi presim të të takojmë”, duke shprehur emocionin e pritjes së një jete të re në familje.
Motra e saj, Hailie Jade, vajza biologjike e Eminem, ishte ndër të parat që komentoi në postim, duke treguar se edhe ajo së fundmi është bërë nënë dhe se është shumë e emocionuar që së shpejti do të bëhet tezë.
Alaina, e cila është vajza e motrës së ish-bashkëshortes së Eminem, Kim Scott, u adoptua nga reperi në fillim të viteve 2000 dhe është rritur si pjesë e pandashme e familjes së tij. Ajo është 32 vjeç dhe u martua me Matt Moeller në vitin 2023.
Me ardhjen në jetë të fëmijës së Alainës, Eminem do të bëhet gjysh për herë të dytë në moshën 51-vjeçare, duke përjetuar edhe një herë emocionet e një kapitulli të ri familjar.
