Ka nisur në gjykatë seanca për caktimin e masës së sigurisë ndaj këngëtarit Jozefin Marku dhe shoferit të tij, Kr...
SHOWBIZ
Çfarë po ndodh me BBVA 5? Ndarja e Ledionit dhe Sarës ndez dyshimet për vonesën e spektaklit
PiranjatPërditësimi i fundit 10 Nëntor 2025, 14:07
Ndërsa “Big Brother VIP Kosova” po përgatitet të nisë më 17 nëntor, në Shqipëri mbizotëron një heshtje e plotë rreth “Big Brother VIP Albania 5”. Produksioni i spektaklit më të ndjekur në vend nuk ka dhënë ende asnjë njoftim zyrtar për datën e nisjes, duke ngjallur kuriozitet e dyshime në publik.
Pyetjet janë të shumta: Pse nuk ka asnjë reagim nga Top Channel? A do të nisë edicioni i ri këtë vit? Në rrjet, shumë fansa lidhin këtë vonesë me thashethemet që po qarkullojnë prej muajsh — për ndarjen e Ledion Liços dhe Sara Hoxhës.
Marrëdhënia mes çiftit të njohur është ftohur ndjeshëm, dhe ata janë parë gjithnjë e më rrallë bashkë në evente. Në festën e fundit të “Top Media”, Sara dhe Ledioni nuk u panë pranë njëri-tjetrit, ndryshe nga Lori Hoxha, e cila qëndronte shpesh në shoqërinë e moderatorit gjatë mbrëmjes.
Megjithëse asnjë prej tyre nuk ka reaguar publikisht, heshtja e tyre dhe e produksionit ka shtuar dyshimet se diçka po ndodh pas dyerve të “Top Channel”.
Ndërkohë, në rrjetet sociale po qarkullojnë emra të njohur të showbiz-it shqiptar që përfliten si pjesë e mundshme e edicionit të ri të BBVA. Pyetja “A do të hyje në Big Brother nëse do të vije ftesa?” është kthyer tashmë në temë të çdo interviste publike.
Deri më tani, as Top Channel, as Ledioni dhe Sara nuk kanë bërë ndonjë koment, duke e lënë publikun në pritje për të zbuluar nëse kjo “heshtje” është strategji marketingu, apo shenja e ndryshimeve të mëdha që po vijnë për “Big Brother VIP Albania 5”.
