Të ardhurat që shteti siguron nga dhënia me qira e pasurive të sekuestruara dhe të konfiskuara kanë shënuar një rritje t...
SHOWBIZ
Jonida Maliqi rrëfen hapur për divorcin: Më mirë e lumtur se e mbytur në pasiguri dhe konflikte
PiranjatPërditësimi i fundit 20 Nëntor 2025, 11:39
E ftuar në emisionin e Rudinës, Jonida Maliqi ka folur hapur për divorcin nga ish-bashkëshorti, i cili ndodhi mbi 8 vite më parë. Ajo ka rrëfyer se lidhja filloi në një moshë shumë të re dhe ndarjet nuk ishin të pazakonta me kalimin e viteve:
“Unë jam lidhur në moshë fare të re, 17-vjeçare, dhe kam kaluar 17 vite me babain e Danit. Jam divorcuar në moshën 34-vjeçare, kur Dani ishte 5 vjeç dhe kisha nevojë të jem familje,” tregoi këngëtarja.
Jonida theksoi se rritja personale dhe ndryshimet që vijnë me kohën luajtën rol vendimtar në ndarje: “Njerëzit evoluojnë, reagojnë ndryshe dhe ti nuk je më ai personi që ke qenë dikur; si nënë, ndryshon perspektiva, prioritet është fëmija, jo më vetja jote.”
Ajo u shpreh se vendimet që vendosin dinjitetin dhe mirëqenien janë gjithmonë më të shëndetshme, edhe nëse çojnë në ndarje:
“Është më mirë të jesh në një familje të minimizuar, por të lumtur brenda katër mureve të shtëpisë, sesa të kesh pasiguri dhe konflikte. Divorci nuk është fundi i botës; mbi të gjitha dua veten time, dhe kur dua veten time, do të dua edhe dikë që më respekton dhe më vlerëson. Dy prindër duhet të jenë pranë njëri-tjetrit në të mirë dhe në të keq.”
