Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
SHOWBIZ
Këngëtari i njohur pjesë e “Big Brother VIP Kosova 4”?
PiranjatPërditësimi i fundit 10 Tetor 2025, 17:26
Rokeri i njohur nga Ferizaj, Mentor Haziri, mund të jetë një nga emrat që do t’i bashkohet sezonit të katërt të spektaklit më të komentuar televiziv në Kosovë, “Big Brother VIP Kosova”.
Pas viteve të tëra në skenën muzikore, duket se artisti po përgatitet për një rikthim në qendër të vëmendjes, këtë herë jo përmes këngëve, por përmes ekranit.
Haziri, i cili është bërë i njohur për hitet “Engjëll”, “Mundohem ta harroj” dhe “Diçka”, ka ndërtuar një karrierë të suksesshme në muzikë, duke u identifikuar me stilin e tij unik dhe energjinë rock që e dallon nga artistët e tjerë shqiptarë. Tashmë, ai mund të sfidojë vetveten në një fushë krejtësisht ndryshe përballë kamerave 24 orë në ditë.
Burime pranë produksionit kanë bërë të ditur për median se edicioni i ri i “Big Brother VIP Kosova” do të nisë në fund të nëntorit, duke premtuar një kast të pasur me personazhe të njohur nga fusha të ndryshme të artit dhe showbizit.
Nëse lajmi për pjesëmarrjen e Mentor Hazirit konfirmohet, pritet që hyrja e tij të sjellë një dinamikë të veçantë në shtëpi. Me karakterin e tij rebel dhe karizmën që e ka shoqëruar gjithmonë, publiku mezi pret të shohë se si do të përshtatet Mentori me lojën, sfidat dhe rivalitetet që e karakterizojnë këtë format.
Aktorja e famshme Angelina Jolie ka zbuluar detaje të reja emocionale dhe financiare nga divorci i saj me Brad Pitt, ndërsa betejat ligjore mes &cce...
