Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
SHOWBIZ
Madonna dhe futbollisti 29-vjeçar, fejesë surprizë pas lidhjes së re
PiranjatPërditësimi i fundit 5 Nëntor 2025, 15:58
Ylli i muzikës, Madonna, thuhet se ka vendosur të kurorëzojë lidhjen e saj me futbollistin 29-vjeçar, Akeem Morris, 38 vjet më të ri se ajo. Burime pranë artistes tregojnë se ajo është më e lumtur se kaq dekada dhe gëzon një marrëdhënie që i sjell paqe dhe stabilitet.
Çifti u njoh në vitin 2022 gjatë një xhirimi për revistën Paper, dhe lidhja e tyre nisi menjëherë pas ndarjes së Madonnas me boksierin Joshua Popper. Ata shfaqën për herë të parë publikisht këtë verë, ndërsa spekulimet për fejesë nisën pasi Madonna publikoi një foto ku shfaqej me unazën e diamantit në janar.
Së fundmi, Madonna dhe Akeem festuan së bashku ditëlindjen e 67-të të artistes në Toskanë, në praninë e gjashtë fëmijëve të saj. Burimet thonë se Madonna po shqyrton vendet për dasmën, duke përfshirë Itali, Portugalinë ose pronën e saj në East Hampton.
“Ajo dëshiron një ceremoni intime, me njerëzit që i do më shumë,” thanë burime për mediat. Gjithashtu, Madonna po përgatit një marrëveshje paramartesore, të cilën Akeem e pranon pa probleme. Ndërkohë, data e dasmës nuk është bërë publike, por disa zëra sugjerojnë se ceremonia mund të zhvillohet deri në fund të vitit.
