Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
SHOWBIZ
Majk zbulon: “Mora ftesë për Big Brother VIP, por nuk dua të rregulloj imazhin”
PiranjatPërditësimi i fundit 12 Nëntor 2025, 14:27
eperi i njohur shqiptar, Majk, ka treguar se ka marrë ftesa për të qenë pjesë e një prej formateve më të mëdha televizive shqiptare “Big Brother VIP Albania” dhe “Big Brother VIP Kosova”.
Në një intervistë për Klan Kosova, artisti pranoi se, edhe pse e ndjek pjesërisht spektaklin përmes rrjeteve sociale, nuk e sheh veten si pjesëmarrës në këtë format.
“Kam marrë ftesa nga dy Big Brother-at, edhe në Kosovë, edhe në Shqipëri. Kush thotë që s’e kqyr Big Brother-in, rren. Të gjithë jemi në telefona dhe patjetër do të na dalë ndonjë video. Edhe nëse nuk e ndjek rregullisht, ta shfaq TikToku,” – tha Majk me humor.
Reperi sqaroi se nuk është gati për një eksperiencë të tillë, duke e parë më shumë si një mundësi për artistët e rinj që kërkojnë afirmim publik.
“Nuk e kam menduar ndonjëherë të jem pjesë. Nuk e shoh për mua. Jam mirë me veten. Nuk më duhet Big Brother për të treguar nëse jam djalë i mirë apo për të rregulluar imazhin tim.”
Majk, i njohur për hitet e tij dhe për stilin e drejtpërdrejtë, ka theksuar shpesh se preferon të qëndrojë larg formateve televizive, duke u fokusuar në muzikë dhe në projektet e tij artistike.
Ky qëndrim tregon se, pavarësisht ofertave të mëdha, reperi mbetet besnik ndaj vetes dhe rrugës që ka ndërtuar me sukses në industrinë e muzikës.
