Kreu i Partisë së Lirisë, Ilir Meta, në një intervistë për SYRI.net ka paralajmëruar se do të paraqesë mbi 1...
SHOWBIZ
Me lot në sy Klodiana Shala tregon dhimbjen për humbjen e babait: Më ngeli pishman që nuk luftova aq shumë
PiranjatPërditësimi i fundit 25 Janar 2026, 22:27
Klodiana Shala, një prej figurave më të njohura dhe të respektuara në botën e sportit shqiptar, ka hapur zemrën me publikun një copëz të rëndësishme të jetës së saj, siç ka qenë humbja e babait dhe momentet që e kanë shndërruar përgjithmonë.
“Pas vdekjes së babit, mësova të thosha ‘jo’. Ai gjithmonë më thoshte: ‘Mësoje këtë fjalë, sepse duhet të jesh gati për çdo gjë.’ Humbja e tij më mësoi shumë për njerëzit rreth meje, kush ka qenë me të vërtetë pranë dhe kush jo. Kupton kush të respekton në momentet më të vështira. Një dasmë mund ta organizosh vetë, por vdekja… vdekja është diçka krejt tjetër, mërzitje shumë e madhe dhe aty kupton se kush është afër me të vërtetë,” tregoi Klodiana.
Ish-kampionia ndau edhe momentet më të dhimbshme pas ikjes së babait: “Më ka lënë një trishtim shumë të madh. Shpesh mendoj për atë që ndodhi, dhe sot po e them hapur: doktoresha që u kujdes për babin më dukej sikur nuk bëri aq sa duhej. Kam pasur ndjenja sikur e lashë vetëm, sikur e tradhëtova… dhe kjo më ka mërzitur pafund. Më ka mbetur pishman që nuk luftova aq shumë për babin.”
Por mes dhimbjes, Klodiana kujton edhe mësimet e babait që e shoqërojnë çdo ditë: “Ai gjithmonë më thoshte: ‘Mos u dorëzo, lufto. Ke bërë shumë gjëra të mira dhe Zoti do ta bëjë mbarë gjithçka.’ Edhe kur gabonim, ai nuk më gjykonte, por më mësonte nga gabimet.”
Ish-sportistja, tashmë sipërmarrëse thekson se pas këtyre momenteve jetësore kaq të brishta, rëndësia e fjalës është e madhe:
“Zemrën askush nuk e sheh, por fjala ka vlerë të madhe. Ajo tregon kujdesin dhe respektin që ndjejmë për njëri-tjetrin,” tha Klodiana.
