Një banore në Durrës ka ngritur shqetësimin për një situatë të pazakontë që, sipas saj, po vazhdon prej koh&...
SHOWBIZ
Me një diferencë prej 21 vitesh me bashkëshorten, ja çfarë e 'frikëson' aktorin e njohur amerikan
PiranjatPërditësimi i fundit 30 Shtator 2025, 10:04
Aktori i njohur amerikan, Stanley Tucci, ka treguar anën e tij më të ndjeshme në një intervistë të fundit, ku ka folur mbi marrëdhënien me bashkëshorten e tij, Felicity Blunt. Edhe pse diferenca prej 21 vitesh në moshë nuk ka qenë kurrë një pengesë për dashurinë e tyre, 64-vjeçari pranon se e trishton ideja që ndoshta nuk do të ketë mundësi të plaket pranë saj.
“Jam i pikëlluar që ndoshta nuk do ta shoh të plaket dhe që nuk do të jem aty për t’u kujdesur për të nëse ka nevojë,” u shpreh Tucci për The Times të Londrës. “Ka diçka vërtet të bukur tek njerëzit që plaken së bashku. Dhe nëse nuk ndodh ndonjë mrekulli, kjo nuk do të jetë e mundur për ne.”
Tucci dhe Felicity Blunt, agjente letrare dhe motra e aktores Emily Blunt, janë njohur për herë të parë në vitin 2006 gjatë premierës së filmit The Devil Wears Prada, ku Tucci luante krah Emily-t. Pas një takimi të dytë në dasmën e Emily me aktorin John Krasinski në vitin 2010, marrëdhënia e tyre nisi të zhvillohej, dhe çifti u martua në vitin 2012.
Nga kjo martesë, ata kanë dy fëmijë, djalin Matteo, lindur në vitin 2015, dhe vajzën Emilia, në vitin 2018. Tucci gjithashtu është baba i tre fëmijëve më të mëdhenj nga martesa e tij e parë me Kate Tucci, e cila ndërroi jetë në vitin 2009 pas një beteje me kancerin e gjirit.
Duhet të themi që Stanley Tucci dhe Felicity Blunt vazhdojnë të ndërtojnë jetën e tyre me dashuri dhe mbështetje të ndërsjellë, duke u konsideruar një nga çiftet më të admiruar të showbiz-it.
