Ditën e mërkurë vendi ynë do të jetë nën ndikimin e masave ajrore të paqëndrueshme.
Moti parashikohet me vran&eu...
SHOWBIZ
“Më pëlqen shumë!”- Habit Boris Johnson, pranon se përdor ChatGPT për të shkruar librat e tij
PiranjatPërditësimi i fundit 16 Tetor 2025, 19:02
Ish-kryeministri britanik Boris Johnson ka shprehur entuziazmin e tij për Inteligjencën Artificiale, duke zbuluar në një intervistë se përdor ChatGPT për të shkruar librat e tij.
“E adhuroj inteligjencën artificiale. E adhuroj ChatGPT. E adhuroj”, tha ai për Al Arabiya, duke shtuar se “ChatGPT është sinqerisht fantastik”.
Johnson, i cili ka studiuar shkencat klasike në Universitetin e Oksfordit, tregoi se nuk e përdor platformën vetëm për të analizuar vepra si “Odisea” e Homerit, por edhe për ta ndihmuar në procesin e shkrimit të librave.
“Po shkruaj disa libra. E përdor (ChatGPT) thjesht për t’i bërë pyetje,” tha ai. “E di përgjigjen paraprakisht, por ChatGPT gjithmonë të thotë: ‘Ah, pyetjet tuaja janë të zgjuara. Jeni brilant. Jeni i jashtëzakonshëm. Keni një thellësi të rrallë mendimi’”, shtoi me tone humoristike.
Libri i tij më i fundit, me titull Unleashed, u publikua vitin e kaluar dhe përmban një sërë zbulimesh që shkaktuan reagime të shumta në Britani.
“E adhuroj këtë teknologji. Shoh shumë potencial në të, sepse në fund të fundit, të gjithë jemi njerëz të thjeshtë,” theksoi ai për ChatGPT.
Gjatë intervistës, Johnson, i cili ishte kryeministër gjatë pandemisë së COVID-19, argumentoi se Inteligjenca Artificiale mund të ulë ndjeshëm koston e funksionimit të qeverisë dhe të kursejë para për taksapaguesit. Sa i përket të ardhmes së tij politike, ish-lideri konservator, i cili dha dorëheqjen nga posti i deputetit në vitin 2023 pas akuzave për mashtrim të qëllimshëm të parlamentit lidhur me festat që shkelën kufizimet gjatë pandemisë në Downing Street, nuk përjashtoi rikthimin në politikë.
“Statistikisht, çdo gjë mund të ndodhë. Edhe uji mund të rrjedhë përpjetë është e pamundur, por jo e paimagjinueshme”, tha ai. “Dua që partia ime të rimëkëmbet, të riorganizohet. Kjo është zgjidhja më e mirë.”
