Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
SHOWBIZ
Sara Gjoka zbulon sekretet e vajzave të ekranit: Si i afrohen meshkujt dhe kur nuk e pranon vëmendjen e tyre
PiranjatPërditësimi i fundit 13 Nëntor 2025, 14:47
Modelja e njohur shqiptare, Sara Gjoka, ka folur së fundmi për mënyrën se si të rinjtë i njohin vajzat e famshme, duke zbuluar detaje nga jeta e saj private. Në një intervistë në “Live From Tirana” me Ronaldo Sharkën, ajo tregoi se admiruesit shpesh përdorin dhurata ose miq të përbashkët për t’u afruar.
“Dhuratat ia çojnë me postë, nëpërmjet njerëzve të përbashkët, ka shumë mënyra. Kush do, e gjen mënyrën. Ka vajza që jetojnë për këto gjëra dhe mezi i presin dhuratat. Ka vajza që nuk i hyjnë në sy,” u shpreh Gjoka.
Kur u pyet nëse i është afruar ndonjëherë dikush në rrugë, ajo tha se kjo nuk e tërheq dhe shpesh e sheh si të pakëndshme: “Sot, nëse një djalë të ngacmon në rrugë, ti nuk ia hedh sytë sepse të duket vulgare mënyra si ata ngacmojnë. Të paktën ky është mendimi im. Nëse më afrohen në rrugë dhe bëjnë koment, mua nuk më tërheq.”
Gjoka shtoi se disa meshkuj përdorin miq të përbashkët si urë për t’u afruar, duke treguar se mënyrat e komunikimit dhe fiksimit kanë ndryshuar ndjeshëm me kohën.
Ky rrëfim i modeles ofron një pasqyrë të qartë mbi mënyrën se si admiruesit përpiqen të afrohen me vajzat e famshme dhe si ato i perceptojnë këto përpjekje.
