Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
SHOWBIZ
Skandal në koncertin e Dua Lipës/ Një fans e prek në mënyrë të papërshtatshme gjatë performancës në Los Angeles
PiranjatPërditësimi i fundit 6 Tetor 2025, 15:52
Një incident i pakëndshëm ka ndodhur gjatë koncertit të Dua Lipës në Los Angeles, duke shkaktuar zemërim të madh në rrjetet sociale.
Në një video që është bërë virale brenda pak orësh, ylli shqiptar i muzikës botërore shihet teksa afrohet pranë publikut për të përshëndetur fansat e saj. Mirëpo, gjatë momentit, një burrë përfiton nga situata dhe e prek këngëtaren në mënyrë të papërshtatshme, duke i vendosur fillimisht dorën në shpinë dhe më pas duke e lëvizur poshtë, drejt vitheve.
Dua, e cila po i përqafonte fansat, u përpoq të ruante qetësinë, ndërsa rojet e sigurisë ndërhynë menjëherë, duke e larguar dorën e burrit dhe duke e mbrojtur artisten.
Videoja u publikua në platformën X nga një vajzë që ndodhej në koncert, e cila shkroi me zemërim:
“Kjo më acaron shumë… Dua po përpiqet të jetë e afërt me fansat e saj dhe disa njerëz e keqpërdorin këtë në mënyrën më të ulët të mundshme. I urrej njerëz të tillë.”
Ngjarja ka hapur debat të gjerë për mungesën e respektit ndaj kufijve personalë të artistëve, sidomos gjatë takimeve me publikun.
Shumë fansa kanë shprehur indinjatë dhe mbështetje për Dua Lipën, duke e lavdëruar për mënyrën e përmbajtur me të cilën reagoi ndaj situatës.
Ky incident është një tjetër kujtesë se respekti dhe mirësjellja ndaj figurave publike nuk duhet të mungojnë, pavarësisht afërsisë që krijohet gjatë eventeve muzikore.
