FIFA ka bërë ndryshime në rregulloret e saj për t’u përshtatur me Botërorin me 48 skuadra dhe faktin se jo të gjitha ...
SHOWBIZ
Sot nata e dytë e Fest 64, 14 artistë do të performojnë në skenën e Festivalit të Këngës
PiranjatPërditësimi i fundit 18 Dhjetor 2025, 11:41
Festivali i Këngës 64 vijon sonte udhëtimin e tij artistik me natën e dytë konkurruese, një mbrëmje që pritet të shpalosë jo vetëm rivalitetin muzikor, por edhe magjinë e surprizave që e bëjnë këtë festival një ngjarje të veçantë në jetën kulturore të vendit.
Mbrëmja do të çelet nga prezantuesja e festivalit, e cila do t’i dhurojë publikut një moment të veçantë artistik. Më pas 14 artisë do performojnë këngët e tyre në këtë natë të dytë.
Autorja e festivalit, Belioza Çoku, ka bërë të ditur se skena e Fest 64 do të ndriçohet sonte nga prania e një artisteje shqiptare me jehonë ndërkombëtare.
“Një surprizë do të hapë mbrëmjen, e sjellë nga prezantuesja e natës. Bëhet fjalë për një artiste shqiptare që ka prekur suksesin përtej kufijve dhe që do të na mahnisë me interpretimin e saj. Në fund të natës, një tjetër surprizë do të ngrihet nga salla për të na nderuar, jo vetëm me emrin, por edhe me zërin e saj të mrekullueshëm”, është shprehur Çoku.
Nata e parë e festivalit hapi siparin e garës me interpretimin e 14 artistëve, të cilët sollën në skenë ngjyra të ndryshme muzikore dhe emocione të forta, duke i dhënë festivalit ritmin dhe frymën e një gare të denjë artistike.
Në këtë natë shpalosën talentin e tyre duke emocionuar publikuan e duke mbajtur mbwrthyer para ekranit të RTSH gjithë shqiptarët: Rigersa Loka, Lorenc Hasrama, Sara kapo, Sheila, Kleansa Su sa, Gresa Gjoçera & Bledi Kaso, Rezarta Smaja, Ghiti, Lynx, Erand Sojli, Inis Neziri, Kimi, Alis, Enxhi Nasufi.
Vlerësimi i këngëve i është besuar një jurie të përbërë nga personalitete të shquara të artit, muzikës dhe medias: Belinda Budini, Valentin Veizi, Anila Basha, Zef Çoba, Olen Çezari, Bleona Qereti dhe Ramë Lahaj.
Në dy netët konkurruese, juria do të përzgjedhë dhjetë këngët që do të udhëtojnë drejt natës finale, aty ku do të vendoset fati i çmimit të madh.
Fituesi i Festivalit të Këngës 64 do të shpallet përmes një bashkimi votash: 50 për qind vlerësimi i jurisë dhe 50 për qind vota e publikut përmes SMS-ve, duke fituar kështu të drejtën për të përfaqësuar Shqipërinë në Eurovision.
Një nga momentet më kulminante erdhi nga moderatorja Arilena Ara, e cila përmes një monologu të ndjerë, kushtuar nënës së saj, u shfaq e përlotur në skenë. Artistja ndau me publikun copëza të historisë së saj personale, në një rrëfim intim që u prit me duartrokitje të gjata dhe emocione të forta në sallë.
Në kahun tjetër, energjia shpërtheu me ngjitjen në skenë të Kroni Pulës. Me këngën “Fruta Perime”, që përfaqësoi Shqipërinë në Junior Eurovision, ajo solli në Fest 64 gjallërinë dhe dinamizmin e skenave ndërkombëtare, duke u kthyer në një nga pikat më entuziaste të spektaklit.
Mbrëmja u përmbyll me performancën speciale të Vlashent Satës, i cili i vendosi vulën një nate me përmasa të larta artistike dhe ndjeshmëri muzikore.
