Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
SHOWBIZ
Taylor Swift zbulon detaje të reja për dasmën me Travis Kelce: Nuk e imagjinoja kurrë derisa gjeta personin e duhur
PiranjatPërditësimi i fundit 4 Tetor 2025, 14:01
Taylor Swift ka zbuluar për herë të parë disa detaje për dasmën e saj me futbollistin e NFL, Travis Kelce, ndërsa promovonte albumin e saj më të fundit, “The Life of a Showgirl”, i publikuar të premten në mëngjes.
Këngëtarja 35-vjeçare konfirmoi se ceremonia do të jetë një “dasmë destinacioni”, dhe se një nga miqtë e saj më të ngushtë, Ed Sheeran, pritet të performojë gjatë ditës së madhe.
Në një intervistë për disa radio britanike, Swift u shpreh me dashuri për partnerin e saj, duke e përshkruar atë si “personin më argëtues në botë” dhe duke pranuar se marrëdhënia e tyre ka qenë frymëzim për shumë prej këngëve të albumit të ri. Ajo zbuloi gjithashtu se unaza e fejesës ishte dizajnuar nga vetë Travis-i, në bashkëpunim me një argjendare të preferuar që Taylor e kishte përmendur vite më parë.
Sa i përket muzikës, artistja foli për këngën “Opalite”, të cilën e përshkroi si të preferuarën e Kelce, duke thënë se ajo përfaqëson lidhjen e tyre përmes një metafore delikate mbi gurët e çmuar dhe lumturinë e përbashkët. “Ky album është pasqyrë e jetës sime aktuale një version i im që më pëlqen dhe më ngjan më shumë se kurrë,” u shpreh ajo.
Taylor pranoi gjithashtu se dikur kishte menduar se një jetë personale e qetë mund të ndalte kreativitetin e saj, por sot ndjehet më e frymëzuar se asnjëherë më parë:
“Të gjithë më thonë se nuk kam qenë kurrë kaq vetvetja – dhe mendoj se kjo duket edhe në muzikë,” shtoi ajo me buzëqeshje.
Sa për planet e dasmës, këngëtarja tha se nuk ishte ndonjëherë e fiksuar pas detajeve të një ceremonie, derisa takoi Travis-in:
“Kurrë nuk e kisha menduar se si do të ishte dasma ime… derisa u gjenda përballë njeriut të duhur.”
