Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
SHOWBIZ
Tri akuza penale ndaj Gjestit/ Mungesa e tij shtyn seancën gjyqësore në Prishtinë
PiranjatPërditësimi i fundit 23 Korrik 2026, 13:05
Seanca dëgjimore ndaj këngëtarit Besart Kelmendi, i njohur si Gjesti, ka dështuar të mbahet në Gjykatën Themelore në Prishtinë për shkak të mungesës së të akuzuarit.
Gjesti përballet me akuza për tri vepra penale: “Armëmbajtje pa leje”, “Kanosje” dhe “Asgjësim apo dëmtim i pasurisë”.
Avokati i tij mbrojtës, Burim Azemi, deklaroi se Kelmendi e kishte njoftuar përmes një mesazhi se nuk mund të ishte i pranishëm në seancë për arsye që, sipas tij, do të sqarohen më vonë.
“Rrethanat a janë objektive apo subjektive nuk i di për momentin, mirëpo më ka treguar që e ka të pamundur të prezantojë sot”, tha Azemi.
Në seancë ishte i pranishëm prokurori Malart Kuçi, ndërsa mungoi edhe përfaqësuesi i palës së dëmtuar. Gjykata konstatoi se nuk kishte kushte ligjore për zhvillimin e seancës.
Gjykatësja Edita Canta bëri të ditur se nëse Gjesti nuk paraqitet në seancën e ardhshme, ndaj tij mund të lëshohet urdhër për sjellje me detyrim.
Sipas aktakuzës së Prokurorisë Themelore në Prishtinë, Besart Kelmendi akuzohet se në mars të vitit 2026, në zyrat e studios “Onima” në Prishtinë, dyshohet se ka kanosur të dëmtuarin Erkand Shabani dhe ka shkaktuar dëme materiale në ambientet e studios.
Prokuroria pretendon se ngjarja lidhet me një mosmarrëveshje për një borxh paraprak, ndërsa ndaj këngëtarit rëndojnë akuzat për kanosje, mbajtje të paautorizuar të armës dhe dëmtim të pasurisë.
Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
