Autoriteti i Mbikëqyrjes Financiare: Tregu i sigurimeve, në rritje më të ngadaltë për këtë vit

TIRANA- Tregu i sigurimeve vijoi rritjen edhe gjatë muajit tetor, i mbështetur kryesisht nga produktet e sigurimit të detyrueshëm. Sipas të dhënave nga Autoriteti i Mbikëqyrjes Financiare (AMF), në fund të 10-mujorit, primet e shkruara bruto arritën vlerën e 20.3 miliardë lekëve, në rritje me 7.6% krahasuar me të njëjtën periudhë të një viti më parë. Rritja e tregut këtë vit është më e ngadaltë krahasuar me vitin 2023, ndikuar pjesërisht edhe nga vazhdimi i forcimit të Lekut në kursin e këmbimit valutor.

Sipas të dhënave të AMF-së, për gjysmën e parë të këtij viti afërsisht 33% e primeve të shkruara bruto në sigurime ishin të llogaritura në valutë të huaj, kryesisht në Euro. Duke qenë se statistikat raportohen në lekë, forcimi i monedhës vendase në kursin e këmbimit ka dhënë një efekt negativ në vlerën e primeve të shkruara në valutë të huaj.

Përtej efektit negativ të kursit të këmbimit, struktura e tregut sipas produkteve këtë vit nuk shfaq risi të mëdha. Shumica e produkteve po ndjekin një rritje të ngadaltë dhe organike, me sigurimet e detyrueshme që vazhdojnë të përbëjnë shtyllën kryesore të tregut. Për 10-mujorin, primet e shkruara bruto në tregun e Jo-Jetës u rritën me 7.5%, ndërsa në atë të sigurimit të Jetës me 8.5%. Segmenti i Jo-Jetës vazhdon të dominojë, me gati 92% të primeve të shkruara bruto.

Sigurimet e detyrueshme motorike ngelen mbizotëruese në tregun e Jo-Jetës. Në fund të 10-mujorit, ato përbënin 66.1% të primeve të shkruara bruto, nga 65.9% që zinin në të njëjtën periudhë të një viti më parë. Rritja e lehtë e peshës së sigurimeve të detyrueshme motorike ka ardhur kryesisht nga siigurimi i brendshëm motorik TPL, ndërsa ecuri më të dobët shfaqin produktet e Kartonit Jeshil dhe Policës Kufitare. Duke qenë se të dyja këto produkte shiten në Euro, edhe në këtë rast vlerësohet se një ndikim negativ ka dhënë kursi i këmbimit.

Sigurimi i pronës nga katastrofat ngelet produkti kryesor i sigurimit vullnetar, me 10.4% të primeve të shkruara bruto, nga 10.8% që zinte një vit më parë. Vijon sigurimi KASKO i automjeteve, me 8.1% të primeve, nga 7.2% në të njëjtën periudhë të vitit të kaluar.

Nga ana tjetër, dëmet këtë vit po rriten me ritme ndjeshëm më të larta krahasuar me vitin e kaluar. Në fund të 10-mujorit rritja e tyre arriti në 22.7%, rritje kjo rreth tre herë më e lartë krahasuar me të njëjtën periudhë të vitit 2023. Për10-mujorin, dëmet e paguara bruto kishin vlerën e 7 miliardë lekëve.

Struktura e dëmeve në tregun e Jo-Jetës vazhdon të dominohet nga sigurimet e detyrueshme motorike, me 70% të dëmeve të paguara bruto nga kompanitë e sigurimit të Jo-Jetës./ Monitor

sigurimet

Artikuj te sugjeruar

M.B. SOCIALE 27 Nëntor07:47

FMN: Dobësimi i kërkesës për turizmin mund të sjellë një rënie në sektorin e pasurive të paluajtshme

TIRANA- Ekonomia shqiptare pritet të ketë një ecuri pozitive në 2024, duke u bërë ndër më të shpejtat në Eur...

M.B. SOCIALE 27 Nëntor07:46

Amulli te bizneset në kryeqytet, Bashkia e Tiranës u bllokon llogaritë bankare për taksën e pronës

TIRANA- Shumë subjekte të kryeqytetit  janë habitur ditët e fundit, kur u ka shkuar njoftimi nga banka se llogaritë e tyre ishin...

M.B. SOCIALE 27 Nëntor07:33

Financat nuk do jenë të mjaftueshme, parashikimi i Horoskopit për sot

Dashi Më shumë se fantazinë gjatë kësaj dite duhet të ushqeni logjikën tuaj. Reflektoni më mirë ndaj asaj që...

M.B. SOCIALE 26 Nëntor07:43

Beqarët do të mund të fillojnë një marrëdhënie të re, parashikimi i Horoskopit për sot

  Dashi Sot më në fund do dilni nga situatat e vështira dhe do ndiheni shumë më të qetë nga më parë. Në...

M.B. SOCIALE 25 Nëntor10:24

Buxheti i bashkive më 2025, ja ndarjet sipas të dhënave të reja të censit 2023

TIRANA- Bashkitë, popullsia e të cilave është rritur ndërmjet cens 2011 dhe cens 2023, do të marrin më shumë fonde n&e...

M.B. SOCIALE 25 Nëntor07:39

Financat kanë rrezik të kalojnë një fazë të trazuar, parashikimi i Horoskopit për sot

Dashi Pak diplomaci më shumë nuk do ju bëjë keq sot si në planin familjar ashtu edhe në atë sentimental dhe profesional. N...

I.A SOCIALE 23 Nëntor15:20

Nga shikimi te buzëqeshja, nga mjekra te shenjat paralajmëruese: eksperti i gjuhës së trupit 'lexon' Amorimin… dhe tregon

ANGLI - Prania e Ruben Amorimit në Angli emocionon tifozët e Manchester United, por jo vetëm kaq. Shtypi dëgjon komentuesit, diskuton n&eu...

M.B. SOCIALE 23 Nëntor07:47

Energjia/ Të dhënat: Shteti drejt përfitimeve, dobësohen tregtuesit privatë

TIRANA- Kriza e dikujt është një mundësi e artë për dikë tjetër. Në vitin 2022, u shënua kulmi i krizës...

M.B. SOCIALE 23 Nëntor07:44

Financat nuk do jenë të shkëlqyera, momente të turbullta, parashikimi i Horoskopit për sot

Dashi Përfitoni nga talenti që keni në komunikim për t’u afruar me të tjerët sot. Nëse keni një lidhje do merrn...

SOCIALE 22 Nëntor17:50

Paditi ish-bashkëshortin për mospagesën e pensionit ushqimor për djalin, Gjykata e Tiranës i jep të drejtë Jonida Maliqit

Jonida Maliqi TIRANË- Gjykata e Tiranës i ka dhënë të drejtë Jonida Maliqit, e cila çoi në gjyq ish bas...