BERZH ul me 0.5% parashikimin për rritjen ekonomike të Shqipërisë

TIRANË- Banka Europiane për Rindërtim dhe Zhvillim (BERZH) ka rishikuar me ulje pritshmërinë për rritjen ekonomike të Shqipërisë për vitin 2023. Sipas BERZH, ekonomia e Shqipërisë pritet që të zgjerohet në 2.5% këtë vit duke u ulur me 0.5% në krahasim me projeksionin e muajit shtator.

BERZH, në projeksionin e muajit shkurt, të publikuar sot(16 shkurt), thekson se në vitin e ardhshëm ekonomia e Shqipërisë do të zgjerohet në 3.3%. Parashikimi i rritjes ekonomike të bankës për të gjithë vendet e Ballkanit Perëndimor në 2023-shin është ulur me 0.8% në 2.2%.

Sipas BERZH, inflacioni i lartë do të zgjasë më shumë se çfarë pritet në vendet e Europës Qendrore dhe Lindore. Rritja do të mbetet gjithashtu e dobët në Europën Lindore, me vetëm 1.6 për qind, dhe në vendet anëtare të BE-së të Europës Juglindore, me 1.5 për qind.

Raporti thekson se vendet në rajon kanë qenë ndër vendet më të prekura nga ndikimi ekonomik i pushtimit rus të Ukrainës, me rritje të çmimeve shumë mbi mesataren e BE-së.

Kryeekonomistja e BERZH, Beata Javorcik vuri gjithashtu në pikëpyetje aftësitë e komunikimit të bankierëve qendrorë të rajonit, të cilat mund të minojnë besimin e publikut në kapacitetin e zyrtarëve për të vënë nën kontroll inflacionin.

“Normat e interesit janë mjeti kryesor në luftimin e inflacionit, por mjeti i dytë më i rëndësishëm është komunikimi me publikun dhe ndikimi i pritshmërive”, tha ajo.

Që kur sulmi rus ndaj Ukrainës shkaktoi një rritje të çmimeve të energjisë dhe ushqimeve një vit më parë, BERZH thekson se vendet e Europës Qendrore dhe Lindore kanë luftuar me inflacionin në nivele të papara që nga vitet 1990. BERZH pret që ekonomia e Rusisë të tkurret me 3 për qind këtë vit./GazetaSi

berzh inflacioni

Artikuj te sugjeruar

SOCIALE 20 Shkurt15:28

Rritja e pagës minimale në 40,000 lekë, qeveria ka në plan kompensimin e fasonit

Qeveria pritet që shumë shpejt të bëjë fakt rritjen e pagës minimale në 40 mijë lekë, nga 34 mijë lekë ...

SOCIALE 20 Shkurt15:27

HEC-et e vogla, ERE miraton çmimin 10 lekë/kwh, shoqata: Hyrja në fuqi është e vonuar

TIRANË- Enti Rregullator i Energjisë miratoi këtë të enjte çmimin 10 lekë për çdo kilovat që HEC-et e vo...

SOCIALE 20 Shkurt15:15

Aksidentet rrugore u ulën në janar, e marta dita më “ters” kur ndodhën pjesa më e madhe

Aksidentet rrugore kanë vijuar tendencën e tyre rënëse të ndjekur gjatë vitit 2022 edhe në muajin e parë të 2023-...