Asociacioni i Gazetarëve të Shqipërisë ka depozituar në Gjykatën Kushtetuese kërkesën kundër rregullores së ...
SOCIALE
Gazetari denoncon grafinë e shekullit të shkuar në Spitalin e Korçës: Në turnin e parë del “me probleme”, në të dytin “e pastër”
PiranjatPërditësimi i fundit 26 Prill 2026, 11:50
Gazetari Osman Stafa ka denoncuar mungesën e aparaturave moderne në Spitalin e Korçës, duke theksuar se atje përdoren ende teknologji të shekullit të shkuar.
Sipas tij, grafitë me filma nuk përdoren më në shumicën prej vendeve pasi janë zëvendësuar prej vitesh nga radiologjia digjitale.
Reagimi i plotë:
Kjo është një pajisje që shërben për të nxjerrë grafitë me filma dhe solucione kimike. (grafi) Është një teknologji që në shumicën e vendeve nuk përdoret më. Është zëvendësuar prej vitesh nga radiologjia digjitale, më e saktë, më e shpejtë dhe pa gabime primitive. Por kjo pajisje është në Spitalin e Korçës. Dhe me këtë u shërbehet çdo ditë mijëra qytetarëve që kanë nevojë për një diagnozë të saktë.
Realiteti?
Mjekët janë në vështirësi serioze. Sepse cilësia e imazhit dhe vetë mënyra si funksionon kjo teknologji e vë në dyshim diagnozën.
Absurd i pastër:
E njëjta grafi, në turnin e parë del “me probleme”.
Në turnin e dytë, del “e pastër”.
Ndërkohë, Ministrja e Shëndetësisë, Evis Sala, flet për “standarde europiane” dhe për “inteligjencë artificiale në shëndetësi”…
Ironia është që këtu ende luhet me filma që lahen me ujë e kimikate, dhe rezultati varet nga kush e ndez makinën.
Inteligjenca artificiale, znj. Ministre, mund të presë.
Se këtu ende nuk kemi mbyllur llogaritë me shekullin e kaluar.
