Si çdo ditë edhe sot në orën 18:00, mijëra qytetarë do të mblidhen sërish në protestën e 17-të pë...
SOCIALE
Limoni, domatja, nafta dhe kafeja me rritjen më të fortë të çmimeve, si ndryshoi shporta e shqiptarëve
PiranjatPërditësimi i fundit 15 Qershor 2026, 18:19
Ndryshimet sezonale, luhatjet në prodhim dhe import së bashku me efektet e luftës në Iran kanë sjellë lëvizje të ndjeshme të çmimeve të produkteve bazë të shportës dhe të karburanteve në muajin prill.
Sipas listës së çmimeve të INSTAT në artikujt kryesor të shportës në prill, tregu u përball me një shtrenjtim të fortë të prodhimeve të freskëta të sezonit dhe karburanteve, ulje të çmimeve të konservuar, teksa drithërat dhe bulmeti kanë shënuar stabilitet.
Limoni, domatja, nafta, kafeja, rritje rekord në prill
Limoni ishte produkti me rritjen më të madhe të çmimit në muajin prill me rreth 41.6%, duke arritur në 212.4 lekë, nga 150 lekë që ishte në prill 2025.
Pas limonit, domatja ishte produkti me rritjen më të fortë në prill 2026 me 20.1%, duke u shitur tashmë për 210.4 lekë për kilogram nga 175.2 lekë që kushtonin në prillin e vitit të mëparshëm, si rrjedhoje dëmeve që sollën ngricat dhe përmbytjet e pranverës.
Në krahun e produkteve industriale, nafta ka shënuar rritje me 18.6%, ose me 32.2 lekë për litër më shumë në prill. Një litër naftë u shit mesatarisht 205.7 lekë, muajin e kaluar, një lëvizje që pritet të ketë efekt zinxhir mbi transportin dhe produktet e tjera.
Ky shtrenjtim është shoqëruar edhe nga rritja prej 17.3% e lëndëve të tjera djegëse. Çmimet e karburanteve u rriten si pasojë e luftë në Iran e cila solli rritjen e vlerës së gazoilëve në tregjet ndërkombëtare.
Po ashtu, një rritje dyshifrore prej 12.0% ka prekur edhe kafenë e bluar, ku paketa prej 100 gramësh ka arritur në 162.3 lekë në prill 2026, teka çmimi i verës u rrit me 11%.
Konservat, sheqeri dhe patatja me rënien më të madhe
Përveç rritjes ekstreme në disa artikuj, buxhetet familjare u lehtësuan nga ulja e çmimeve në disa produkte industriale.
Sipas listës së çmimeve të INSTAT, rënien më të madhe në përqindje e kanë regjistruar konservat (për 100 gramë), të cilat kanë rënie me 18.8%, duke u tregtuar mesatarisht me 168.4 lekë. Sheqeri, një produkt bazë që ka shënuar një rënie prej 19.6%, duke zbritur në 89.8 lekë për kilogram në prill 2026, nga 111.7 lekë që ishte në prillin e vitit të mëparshëm.
Për shkak të mbiprodhimit në Europë dhe Gjermani, kryesisht patatja ka pësuar një rënie vjetore të ndjeshme të çmimeve prej 18.9% në prill, duke u stabilizuar në vlerën e 83.5 lekëve për kilogram, e ndjekur me të njëjtin trend edhe nga qepët e thata, të cilat kanë rënë me 13.5% dhe tregtohen aktualisht për 81.3 lekë për kilogram.
Drithërat dhe mishi bulmeti të qëndrueshme
Përtej këtyre lëvizjeve të skajshme me ulje dhe ngritje, produktet e brumit kanë treguar qëndrueshmëri të lartë ose rënie të lehtë, ku buka ka rënë me vetëm 0.7%, mielli me 3.6% dhe makaronat me 2.3%.
Situatë e ngjashme paraqitet edhe te bulmetet, ku qumështi ka mbetur pothuajse i palëvizur me një rritje prej 0.4%, ndërkohë që rritje disi më të moderuara por të dukshme janë vërejtur te gjiza me 7.1% dhe kosi natyral me 5.6%. Gjithashtu produktet mishit nuk kanë pësuar ndryshime të dukshme. / Monitor
