Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
SOCIALE
Vetëm 1 orë ujë në ditë në ish-Kombinat, banorët të indinjuar: UKT vjen vetëm për të mbledhur lekët
PiranjatPërditësimi i fundit 29 Shtator 2025, 22:15
Vetëm 1 orë ujë në ditë. Kjo është ajo që ndodh me banorët e Kombinatit, një prej lagjeve më të mëdha të Tiranës.
“As gjysmë ore nuk na vjen. Një herë në mëngjes, një herë në darkë. Në 6:30 të mëngjesit vjen dhe në darkë, vetëm gjysmë ore. Mbushim nga një pus që kemi afër, me korentin tonë. Lekët i paguajmë, fatura na vjen. Problem e kemi”, thotë një qytetar.
“Me orar të kufizuar, nuk e kemi të përhershëm. Dy herë në ditë vjen, 1 orë qëndron”, shprehet një tjetër.
Gazetarja: Si e siguroni ujin?
“Me puse, për nevojat tona. Kemi hapur puse”, thotë qytetari.
Vera ka qenë e vështirë për banorët e kësaj zone të Tiranës. Ndonëse janë ankuar vazhdimisht për problematikën e tyre pranë ndërmarrjes së Ujësjellës-Kanalizimeve, nuk kanë marrë asnjë përgjigje konkrete.
“Gjithë verën, vetëm në dimër është pak më shumë. Jemi ankuar, s’kemi çfarë bëjmë, s’ka ujë thonë”, shton një qytetar.
“S’na thonë gjë fare. Vetëm vijnë kur shikojnë sahatet, aty nuk neglizhojnë”, shprehet një qytetar.
Problemi me ujin e pijshëm është i njëjtë edhe për banorët e zonave të tjera të Tiranës, më i theksuar në ato periferike.
“Një herë në ditë vjen”, thotë një qytetar.
Gazetarja: Sa qëndron?
“Gjysmë ore ose 1 orë. Përpara kemi qenë më mirë, nuk e di çfarë janë duke bërë. Kjo verë ka qenë pak e sikletshme”, shprehet qytetari.
“Ne na vjen tre herë në ditë”, thotë një tjetër.
Gazetarja: Sa qëndron?
“Nga dy orë. S’kemi 6 orë gjithsej. As pus, asgjë nuk kemi. Blejmë në treg për të pirë, kemi ato të famshmet depozita”, vijon një tjetër.
“Kemi depozitën, e mbajmë poshtë dhe e marrim me pompë”, shton një tjetër.
Banorët ankohen për klan, edhe për mungesën e infrastrukturës, ku uji shpesh shkon dëm.
“Problem është se çahen tubat. I kanë vënë të kalbëta”, thotë një tjetër qytetar.
Ekspertët thonë se e gjithë situata është krijuar si pasojë e keqmenaxhimit të ndërmarrjes së Ujësjellës-Kanalizimeve. Vetë kryeministri Rama e pranoi pak ditë më parë se gjendja është përkeqësuar si asnjëherë më parë, si pasojë e keqadministrimit.
