Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
SPORT
20 milionë euro në sezon, Fenerbahce bën gati ofertën për Salah
PiranjatPërditësimi i fundit 15 Maj 2026, 08:47
E ardhmja e Mohamed Salah vazhdon të mbetet një nga temat më të nxehta të merkatos, pas njoftimit të largimit të tij nga Liverpooli në fund të sezonit.
Sipas mediave turke, ylli egjiptian është futur në radarët e Fenerbahçes, me klubin e Stambollit që po përgatit një ofertë të jashtëzakonshme për ta transferuar me parametër zero pas përfundimit të aventurës në “Anfield”.
Raportimet e “A Spor” bëjnë të ditur se drejtuesit e Fenerbahçes kanë nisur tashmë kontaktet me përfaqësuesit e Salah, duke tentuar të bindin sulmuesin të vazhdojë karrierën në Superligën turke.
Klubi turk thuhet se ka vendosur në tavolinë një ofertë faraonike: kontratë trevjeçare me rreth 20 milionë euro neto në sezon. Një investim gjigant, me të cilin Fenerbahçe synon të japë një mesazh të fortë jo vetëm në futbollin turk, por edhe në arenën ndërkombëtare.
Në javët e fundit, emri i Salah ishte lidhur edhe me një interesim të Bayern Munich, por sipas raportimeve, ato zëra nuk kanë marrë konfirmime konkrete.
Nëse transferimi realizohet, Mohamed Salah do të ishte një nga emrat më të mëdhenj që ka luajtur ndonjëherë në kampionatin turk, ndërsa ardhja e tij pritet të ketë një ndikim të jashtëzakonshëm mediatik dhe sportiv për gjithë futbollin në Turqi.
