Futbolli shqiptar dhe kosovar është zgjuar me një lajm të rëndë. Futbollisti i Elbasanit, Fatjon Bunjaku, ka humbur jetën t...
SPORT
Botërori, kombëtarja nis sot përgatitjet për ndeshjet e fundit kualifikuese
PiranjatPërditësimi i fundit 10 Nëntor 2025, 09:20
Shqipëria do të luajë dy ndeshjet e fundit kualifikuese për në Botëror, ku në datën 13 nëntor, kuqezinjtë do të përballen fillimisht me Andorrën, e më pas do të presin Anglinë në “Air Albania” në datën 16 nëntor. Një fitore në Andorra, dhe një fitore e Anglisë kundër Serbisë, e kualifikon skuadrën tonë zyrtarisht për në “Play Off” të Kupës së Botës, aty ku do të ketë dy finale para se të shkojë në SHBA.
GRUMBULLIMI- Pasditen e djeshme, futbollistët e Kombëtares që kanë përfunduar angazhimin e tyre me klubet e tyre, kanë udhëtuar në drejtim të Barcelonës, aty ku edhe ku skuadra do të grumbullohet. Sakaq, paraditen e sotme pritet që grupi të plotësohet nën urdhërat e trajnerit Silvinjo dhe gjatë pasdites, do të zhvillohet seanca e parë stërvitore. Veç mungesës së Kumbullës që pritej, pjesa tjetër e skuadrës ka qenë e plotë dhe të gjithë lojtarët do të jenë në dispozicion të trajnerit Silvinjo për ndeshjen e 13 nëntorit.
PROGRAMI- Kombëtarja do të qëndrojë në Barcelonë, duke qenë se është afër me qytetin ku do të luhet ndeshja e 13 nëntorit. Një ditë para, skuadra do të udhëtojë në drejtim në Andorrës dhe aty do të zvhillojë seancën e fundit stërvitore dhe do të ketë konferencën e shtypit. Pas ndeshjes, ekipi mund të zhvillojë edhe një seancë stërvitore atje e më pas do të rikthehet në Tiranë ku do të nisë përgatitjet për Anglinë.
RIKTHIMI – Shqipëria mund të rikthehet në Tiranë si e kualifikuar zyrtarisht për në “Play Off” të Kupës së Botës. Kuqezinjve iu mjafton një fitore minimale në fushën e Andorrës, me kusht që Serbia të humbasë kundër Anglisë në Londër. Një kombinim i tillë, do ta bënte matematikisht të pamundur ndryshimin e klasifikimit, pasi Shqipëria do të kishte 4 pikë më shumë se Serbia, kur mbetej edhe 1 ndeshje për t’u luajtur, ku kuqezinjtë përballen me Anglinë ndërsa serbët do të presin në Leskvoc skuadrën e Letonisë. – Pak ditë më parë, Silvinjo publikoi listën me 25 lojtarët e grumbulluar për këto dy takime.
