Ditën e mërkurë vendi ynë do të jetë nën ndikimin e masave ajrore të paqëndrueshme.
Moti parashikohet me vran&eu...
SPORT
FESTË në ‘Air Albania’/ Kombëtarja zbret sot në fushë, “KUQEZINJTË” janë gati për të gëzuar sërish zemrat e shqiptarëve
PiranjatPërditësimi i fundit 14 Tetor 2025, 08:27
Një tjetër mbrëmje plot emocione pritet të jetë kjo e martë, me kombëtaren shqiptare të futbollit që është gati për të dhuruar spektakël në “Air Albania”.
Pas triumfit historik ndaj Serbisë në Leskovac, ndeshje që gëzoi zemrat e miliona shqiptarëve kudo në botë, “KUQEZINJTË” zbresin sot në fushë për vazhduar festën.
Shqipëria do të zhvillojë sot, e martë 14 tetor 2025, në orën 19:00, një sfidë miqësore me Jordaninë në stadiumin “Air Albania”.
Kjo është ndeshja e dytë në histori që Shqipëria luan kundër Jordanisë, teksa më herët është përballur në një tjetër miqësore, në vitin 2018, e cila asokohe mbaroi me barazim pa gola.
Megjithatë, që nga ajo kohë Shqipëria ka ndryshuar shumë, teksa emrat që kanë qenë dhe në atë përballje dhe që ndodhen ende në ekipin “kuqezi” janë Berat Gjimshit, Enea Mihaj, Ylber Ramadani, Rey Manaj dhe Myrto Uzuni, lojtarë që vazhdojnë të jenë protagonistë dhe shumë vendimtarë në ecurinë pozitive të Kombëtares.
Kjo me Jordaninë nuk do të jetë thjesht një ndeshje miqësore, por do të jetë sfida e festës, me Shqiptarët që do të mblidhen në stadiumin “Air Albania”, por jo vetëm, edhe jashtë tij për të gëzuar për fitoren e madhe që Kombëtarja mori ndaj Serbisë./Piranjat.al
