Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
SPORT
Fillon eksodi te Lushnja pas zbritjes në Kategorinë e Dytë, sulmuesi afrikan largohet me një mesazh prekës
PiranjatPërditësimi i fundit 26 Maj 2026, 11:44
Lushnja po kalon një nga momentet më të errëta të viteve të fundit. Pas një sezoni katastrofik që përfundoi me rënien në Kategorinë e Dytë, në kampin verdhejeshil mbizotëron heshtja, ndërsa deri më tani askush nuk ka marrë mbi supe përgjegjësinë për dështimin e skuadrës.
Në mungesë të reagimeve nga drejtuesit apo një projekti konkret për të ardhmen, te Lushnja për momentin flitet vetëm për largime. I fundit që ka vendosur t’i japë fund aventurës me verdhejeshilët është mesfushori me tipare sulmuese, Ibrahim Olola. Futbollisti e ka zyrtarizuar “divorcin” me klubin përmes një postimi në rrjetet sociale, ku ka falënderuar klubin, stafin, shokët e skuadrës dhe tifozët për mbështetjen e dhënë gjatë qëndrimit të tij në Lushnjë.
“Ky kapitull përfundon, por respekti dhe mirënjohja do të mbeten përgjithmonë”, shkruan ndër të tjera Olola në mesazhin e tij emocionues të lamtumirës. Largimi i tij është një tjetër sinjal i qartë se te Lushnja pritet një shpërbërje e madhe e grupit, ndërsa e ardhmja e klubit mbetet ende e paqartë. Pas rënies në Kategorinë e Dytë, verdhejeshilët duket se po përballen jo vetëm me krizë sportive, por edhe me një vakum total në aspektin organizativ.
