Edhe pse qeveria shqiptare dhe mediat që e mbështesin thonë se pas investimit të një resorti luksoz në Zvërnec qëndron I...
SPORT
Fitoi medaljen, sportisti shpërthen në lot live në Tv për tradhtinë ndaj të dashurës
PiranjatPërditësimi i fundit 10 Shkurt 2026, 23:48
Momenti i fitimit të medaljes së bronztë të një atleti olimpik të Dimrit mori një kthesë të jashtëzakonshme, ndërsa ai me lot në sy rrëfeu se e tradhtoi të dashurën. E gjitha u tha gjatë një interviste të drejtpërdrejtë televizive, një gabim që ai e quajti më të madhin e jetës së tij.
Norvegjezi Sturla Holm Laegreid, fituesi 28-vjeçar i Kupës së Botës dhe i njohur si një nga biatlonistët më të mirë në botë, mori medaljen e bronztë në garën individuale 20 km për medaljen e tij të parë olimpike.
Por Laegreid, gjatë një interviste të drejtpërdrejtë me transmetuesin shtetëror NRK, ai foli hapur për vuajtjet e tij, duke pranuar se po kryente "vetëvrasje sociale" në një përpjekje për ta rifituar atë.
“Ka dikë me të cilin doja ta ndaja këtë moment, por që ndoshta nuk po më ndjek sot”, i tha ai NRK-së, pa u pyetur.
“Gjashtë muaj më parë takova dashurinë e jetës sime – personin më të bukur dhe më të mirë në botë. “Tre muaj më parë bëra gabimin më të madh të jetës sime dhe e tradhtova. Ia tregova një javë më parë. Ka qenë java më e keqe e jetës sime.” “Kisha një medalje të artë në jetën time, dhe ndoshta ka shumë njerëz që më shikojnë me sy tjetër, por unë kam sy vetëm për të.
“Nuk e di saktësisht çfarë dua të arrij duke e thënë këtë këtu tani, por sporti ka kaluar në plan të dytë këto ditë. Do të doja të mund ta ndaja këtë moment me të.” Më pas, Laegreid i tha medias norvegjeze VG se nuk ishte gati të “hiqte dorë” nga marrëdhënia e tij pas tradhtisë. “Shpresoj që duke kryer një lloj vetëvrasjeje sociale të tregoj sa shumë e dua”, tha ai. “Po i marr mbi supe pasojat për atë që kam bërë. Pendohem me gjithë zemër.”
Laegreid u rendit i treti, pas bashkëkombësit të tij Johan-Olav Botn dhe francezit Eric Perrot, duke fituar medaljen e bronztë.
Botn, 26 vjeç, shikoi nga qielli teksa kalonte vijën e finishit, në kujtim të shokut të skuadrës Sivert Guttorm Bakken, i cili u gjet i pajetë nga vetë Botn në dhomën e tij të hotelit gjatë një grumbullimi stërvitor. /Përshtati në shqip PiranjatNews/
