Saranda, e njohur dikur si një nga qytetet më të bukura bregdetare të Shqipërisë, duket se ka rënë pre e një tran...
SPORT
Gnabry qëndron te Bayern, vjen zyrtarizimi i rinovimit, Arsenal tentoi Goretzkën në orët e fundit të merkatos
PiranjatPërditësimi i fundit 6 Shkurt 2026, 14:23
Bayern Munich ka vendosur të blindojë një nga yjet e tij. Sulmuesi Serge Gnabry ka firmosur rinovimin e kontratës me klubin gjerman deri në vitin 2028. Lojtarit të cilit i skadonte kontrata këtë qershor, do të qëndrojë edhe për dy vite të tjera. “Kur fillova te Bayern, nuk do ta kisha imagjinuar kurrë se do të qëndroja këtu për 10 vite. Objektivi im është të vazhdoj kështu; jemi një skuadër e madhe dhe mund të arrijmë objektiva të rëndësishëm”, deklaroi Gnabry për kanalet zyrtare të klubit.
Ndërkohë, prapaskena interesante kanë dal në pah, në orët e fundit të merkatos dimërore, teksa Arsenal tentoi një lëvizje surprizë për të sjellë në Premier League mesfushorin gjerman Leon Goretzka, por Bayern Munich refuzoi ta lirojë lojtarin. 31-vjeçari, i ardhur nga Schalke në vitin 2018, ka qenë një figurë kyçe për bavarezët, por këtë sezon ka gjetur më pak hapësirë nën drejtimin e Vincent Kompany.
Trajneri i Arsenalit, Mikel Arteta, e kishte identifikuar Goretzkën si një përforcim ideal për mesfushën, duke sjellë përvojë dhe forcë fizike, por oferta e fundit e klubit anglez u refuzua. Vetë lojtari vendosi të qëndrojë në Bundesliga deri në qershor, për të përfunduar sezonin dhe për të vlerësuar mundësitë e tij për të ardhmen, përfshirë edhe Kupën e Botës. Premier League mbetet një opsion, por për momentin Goretzka do të qëndrojë te Bayern, duke pritur hapin e tij të radhës.
