Autoritetet ukrainase kundër korrupsionit, NABU dhe SAPO, kanë nisur një aksion ndaj zyrtarëve të Prokurorisë së Përgj...
SPORT
Inter, Beppe Marotta: Tani, radha e Kupës së Italisë, Barcelona do Bastonin, por ai ndihet mirë te Inter
PiranjatPërditësimi i fundit 4 Maj 2026, 12:35
Presidenti i Interit, Beppe Marotta ngre në qiell klubin zikaltër pas fitores së titullit të 21 kampion të Italisë duke vënë në dukje punën e bërë nga të gjithë në klub për arritjen e këtij suksesi.
‘Në përgjithësi, Interi nuk ndryshoi shumë, i dhamë hapësirë vazhdimësisë së një modeli që po e aplikojmë prej disa vitesh-tha Marotta-nënvizoj që ky menaxhim me Ausilio dhe Baccin, ka fituar 3 tituj kampionë me 3 trajnerë dhe 2 pronësi të ndryshme’
Marotta më pas foli për pankinën; largimin e Inzaghit dhe zgjedhjen e Cristian Chivu një trajner me vetëm 13 ndeshje në Serie A duke shpjeguar gjithçka, ndërkohë që bëri të ditur edhe objektivin e skuadrës për sezonin e ardhshëm.
‘Me Fabregas kishte vetëm një kontratë parapakrake ashtu si me Chivu-vijoi Marotta-zgjedhja jonë ishte për Cristian sepse kishte karakteristikat që kërkonim, ndërsa në anën tjetër, kishte pengesa objektive-shtoi Marotta-Champions League është një objektiv i jashtëzakonshëm që të gjithë duan ta fitojnë, për fat të keq unë kam bërë 4 finale të humbura me 2 skuadra të ndryshme. Do të më pëlqente që ta fitoja, por nuk mund të marrësh dot të gjitha. Me siguri sezonin tjetër do të tentojmë të përmirësojmë performancën tonë në Evropë’
Padyshim Marotta foli edhe për çështjen Bastoni i cili është vënë në shënjestrën e Barcelonës gjë që presidenti i Interit e konfirmoi.
‘Bastoni? Është një talent, në disa episode e manifestime të tij ka qenë i pafat-tha Marotta-u bë protagonist i një naiviteti dhe i pari që e kuptoi ishte pikërisht ai, ne e ndihmuam sepse kur një i ri gabon është e drejtë që të korrigjohet. Është një kampion i madh, mbi të kanë hedhur sytë klube të mëdha dhe nuk e fsheh, ata të Barcelonës. Por është një interes jo zyrtar dhe jo konkret, Bastoni është një futbollist i yni dhe ka dëshirë që të qëndrojë këtu. Ne jemi të kënaqur’
Për Interin, tani objektivi i radhës është Kupa e Italisë, me zikaltrit që në 13 maj do të luajnë finalen ndaj Lazios në Olimpico të Romës.
‘Inter është një klub që merr pjesë në të gjitha kompeticionet gjithnjë vetëm për të fituar-tha Marotta-do të ishte bukur të fitonim edhe Kupën e Italisë për të fituar yllin e 10 titujve të këtij kompeticioni. Është një takim i rëndësishëm, tërheqës, që do të kërkojmë ta nderojmë në mënyrën më të mirë të mundshme’.
Nga Adriatik Riza Dosti
Kampionati i turpit...
UEFA duhet te monitoroje e te investigoje urgjentisht Superligen e Shqiperise .
Ju tregoj me shifra konkrete g...
