Rrjeti SafeJournalists në Shqipëri ka shprehur shqetësim për sulmin dhe intimidimin ndaj gazetarit Osman Stafa, mbrëmjen e 21 qershor...
SPORT
Jashari, si suprizë për sfidën me Komon. Formacioni i mundshëm i Milanit pa Rabio në fushë
PiranjatPërditësimi i fundit 18 Shkurt 2026, 14:47
Në rikuperimin e javës së 24-t të Serie A, Milani përballet me Komon. Në këtë sfidë, Masimiliano Alegri duhet të bëjë pa të pazëvendësueshmin Rabio, i pezulluar pas kartonit të kuq ndaj Pizas.Francezi, kur të rikthehet, do të jetë gjithashtu nën rrezikun e pezullimit për shkak të paralajmërimit. Në vend të tij ka një balotazh mes Samuele Riçi dhe Ruben Loftus-Çik, të dy kanë bërë paraqitje shumë të mira në ndeshjet e fundit.
Riçi dha asistin për golin e fitores të Modriç kundër Pizës, ndërsa Loftus vjen nga dy gola radhazi në kampionat (edhe pse duke luajtur si sulmues). Rriten edhe shanset për Ardon Jashari, me zviceranin që mund të luftojë seriozisht për një vend në mesfushë.
Një tjetër pikëpyetje është krahu i djathtë Aleksis Salemakers është rikthyer në grup pas dëmtimit në aduktor dhe është në dispozicion. Athekame ka bërë shumë mirë në ndeshjet e fundit dhe kundër Pizës dha edhe asistin e parë me fanellën kuqezi, një krosim i shkëlqyer për Loftus-Çik.
Është e mundur që të ndajnë nga një pjesë loje secili. Mbetet për t’u parë kush do ta nisë nga minuta e parë. Në sulm pritet sërish hapësirë për Kristofer Nkunku, aktualisht sulmuesi më në formë, i cili mund të luajë në çift me Rafael Leao. Megjithatë, titullarizimi i portugezit është ende në dyshim, Niklas Fylkryg kërkon të shlyejë gabimin nga pika e bardhë, ndërsa Kristian Pulisiç, i rikthyer së fundmi nga dëmtimi, duhet ende të gjejë formën më të mirë fizike.
