Ditën e premte vendi ynë do të jetë në ndikim të masave ajrore relativisht të paqëndrueshme.
Moti parashikohet të...
SPORT
Juventus shfaq limite, pas humbjes ndaj Napolit rikthehen dyshimet
PiranjatPërditësimi i fundit 10 Dhjetor 2025, 07:56
Humbja e Juventusit në stadiumin “Diego Armando Maradona” kundër Napolit riktheu në sipërfaqe të gjitha pasiguritë që skuadra bardhezi dukej t’i kishte lënë pas. Pas tri fitoreve radhazi mes Champions League, kampionatit dhe Kupës së Italisë, ekipi i Spaletit u përplas me realitetin: një skuadër që ende vuan në identitet, ritëm dhe vendimmarrje brenda fushe.
Rezultati i fundit e lë Juven tetë pikë larg kryesimit dhe katër pikë jashtë zonës Champions, duke i bërë edhe më të rënda gabimet e një ndeshjeje që duhej të shërbente si provë force. Që në pjesën e parë u duk se Juventusi nuk e kishte kontrollin e duhur mbi lojën. Zgjedhja për të nisur me dyshen sulmuese IldizKonseisao dhe me MekKennie të shtyrë përpara nuk dha frytet e shpresuara. Napoli mori menjëherë iniciativën, duke fituar shumicën e dueleve individuale dhe duke goditur me shpejtësinë e Neres dhe lëvizjet e Hojlund.
Bardhezinjtë shfaqën dobësi të dukshme në lojën ajrore dhe nuk arritën të regjistronin asnjë goditje në portë gjatë 45 minutave të para, një statistikë që flet për mungesën e qartësisë në fazën krijuese. Spaltti tentoi të korrigjonte kursin në pjesën e dytë me kalimin në skemën 3-4-2-1. Ndryshimi sjelli më shumë stabilitet dhe, në një prej pak rasteve të kthimit të shpejtë, Juve arriti të barazonte. Por baraspesha nuk zgjati shumë.
Në 20 minutat e fundit ekipi u tërhoq thellë në mbrojtje, u bë pasiv dhe humbi intensitetin. Edhe vendimet e trajnerit shtuan polemika: largimi i Ildiz, një nga të paktët që po jepte gjallëri, dhe futja tepër e vonuar e Zhegrovës u dukën si lëvizje të pashpjegueshme në një moment ku duhej guxim, jo kujdes i tepruar. Sulmuesit Dejvid dhe Openda zhdukën sërish nga loja, duke konfirmuar se integrimi i tyre në sistemin ofensiv mbetet një prej enigmave më të mëdha të këtij sezoni.
Ndërkohë, mungesa e agresivitetit në duele dhe ashpërsia e ulët në mbrojtje e bënë Juven të duket e brishtë dhe e parashikueshme. Në një stadium si “Maradona”, detaje të tilla marrin peshë vendimtare. Humbja në Napoli nuk është thjesht një rezultat negativ, por një sinjal alarmi. Juventusi duhet të gjejë urgjentisht qartësi taktike dhe personalitet, nëse dëshiron të mbetet në garë për objektivat sezonalë. Momentalisht, rruga drejt majës duket më e pjerrët se kurrë.
