Vdekja e një gruaje 28-vjeçare që punonte në një laborator kundër murtajës në Rusi po ngre shqetësime rreth asaj ...
SPORT
Kampionët e Botës luajnë në transfertë ndaj Kroacisë, Anglia pret Çekinë
PiranjatPërditësimi i fundit 6 Tetor 2026, 15:54
Spanja dhe Anglia zbresin sonte në fushë për ndeshje të rëndësishme në Ligën e Kombeve. Spanja përballet me Kroacinë në transfertë, ndërsa Anglia pret Çekinë në “Uembli”. Të dyja skuadrat kërkojnë pikët për të ruajtur pozitat në krye të grupit.
Kroacia pret sonte Spanjën, në një sfidë ku vendasit kërkojnë reagimin pas humbjes historike 7-0 ndaj Anglisë. Spanja kryeson grupin me 9 pikë pas tri fitoreve, ndërsa një barazim do t’i mjaftonte për të siguruar matematikisht kualifikimin në çerekfinale.
Kroacia, ndërkohë, ka 3 pikë dhe vjen me moral të rëndë pas disfatës ndaj anglisë. Në përballjen e parë mes tyre vetëm pak ditë më parë, Spanja fitoi 4-1 në Sevilje, me dy gola të Lamine Yamal dhe një paraqitje dominuese të kampionëve të botës.
Spanja do të ketë një mungesë të rëndësishme, pasi Ferran Torres është larguar nga grumbullimi për shkak të një dëmtimi në kyçin e këmbës. Në vendin e tij është thirrur sulmuesi i ri Carlos Espi, ndërsa trajneri Luis de la Fuente pritet të bëjë rotacion në formacion.
Në historikun e përballjeve, Spanja ka avantazh me 7 fitore ndaj 3 të Kroacisë, ndërsa dy ndeshje janë mbyllur në barazim. Sfida e sotme nis në 20:45 dhe pritet të jetë vendimtare sidomos për kroatët, që duhet të reagojnë për të mbajtur gjallë shpresat për kualifikim.
Në sfidën tjetër, Anglia pret sonte Çekinë në “Uembli”. “Tre Luanët” që vijnë pas fitores spektakolare 7-0 ndaj Kroacisë. Skuadra e Thomas Tuhel është e dyta në grup dhe kërkon tri pikët për të ruajtur hapin me Spanjën, ndërsa Çekia ka humbur të tri ndeshjet e saj dhe ende nuk ka marrë pikë.
Harry Kane, i cili ka shënuar në të tria ndeshjet e Anglisë në këtë edicion dhe sonte pritet të barazojë rekordin e Peter Shilton me 125 paraqitje për kombëtaren. Tuchel do të ketë disa mungesa, pasi Ezri Konsa dhe Alex Scott janë larguar nga grumbullimi për shkak dëmtimesh, ndërsa Rico Leuis është thirrur në skuadër. Në përballjen e parë, Anglia fitoi 2-0 në Pragë.
Në ndeshjet e tjera, në Ligën B, Skocia luan ndaj Sllovenisë, ndërsa Zvicra pret Maqedoninë e Veriut. Bjellorusia përballet me Finlandën, Moldavia me Sllovakinë, Estonia me Islandën dhe Luksemburgu me Bullgarinë. Të gjitha sfidat do të luhen sonte në orën 20:45
