Lufta Shtetet e Bashkuara-Iran po zhvillohet gjithnjë e më shumë në det, me të dyja palët që synojnë cisterna nafte dh...
SPORT
Luis Enrique në telashe, humbet 3 yje për sfidat në vijim
PiranjatPërditësimi i fundit 6 Nëntor 2025, 15:03
Problemet me dëmtimet po shtohen për Paris Saint-Germain, që pas humbjes 1-2 ndaj Bayern Munich në Champions League ka marrë një tjetër goditje të rëndë: tri dëmtime të rëndësishme në skuadrën e Luis Enrique-s.
Më e frikshme ishte gjendja e Achraf Hakimit, i cili u detyrua të largohej nga fusha pas një ndrydhjeje të fortë në kyçin e këmbës së majtë.
Analizat mjekësore përjashtuan frakturën, por marokeni do të qëndrojë jashtë për rreth gjashtë javë.
Edhe më shqetësuese janë lajmet për Ousmane Dembélé, fituesin e Topit të Artë 2025, që ka pësuar një këputje të pulpës së majtë. Klubi ka konfirmuar se francezi do të mungojë për disa javë, duke humbur sfidat e rëndësishme të nëntorit.
Probleme fizike ka raportuar edhe Nuno Mendes: mbrojtësi i majtë portugez ka një ndrydhje në gjurin e majtë, ndonëse arriti të luajë 90 minuta ndaj Bayern. Edhe ai pritet të rikthehet vetëm në fund të nëntorit.
Në listën e ndeshjeve që Hakimi, Dembélé dhe Mendes pritet të humbasin janë përballjet ndaj Lyon, Le Havre, Tottenham, Monaco dhe Rennes.
Një situatë që e vë Luis Enrique-n në vështirësi të madhe për rotacionin e skuadrës, ndërsa PSG kërkon të mbetet në garë për kreun e Ligue 1 dhe në Champions League.
Bota e sporteve motorike po mban zi për ndarjen nga jeta të Andrea de Adamich, ish-piloti i Formula 1 dhe komentatori i njohur sportiv, i cili ka nd...
