Një ngjarje e rëndë ka tronditur opinion publik ditën e sotme.
Sipas informacioneve paraprake, rreth orës 12:00, salla Operative e D...
SPORT
Man City përgatit goditjen e fundit në merkato/ Maresca kërkon dy liderë për skuadrën
PiranjatPërditësimi i fundit 28 Gusht 2026, 13:10
Manchester City pritet të jetë aktiv deri në ditët e fundit të afatit kalimtar, me trajnerin Enzo Maresca që kërkon të shtojë eksperiencë dhe karakter lideri në skuadër.
City ka humbur disa prej futbollistëve më me përvojë gjatë kësaj vere, ndërsa largimet e Bernardo Silvas, John Stones, Nathan Ake dhe Rodrit kanë krijuar nevojën për përforcime të rëndësishme.
Pas fitores 2-1 ndaj Bournemouthit në ndeshjen e parë të sezonit, Maresca pranoi se klubi mund të bëjë lëvizje të tjera para mbylljes së merkatos më 1 shtator.
Sipas ESPN, Manchester City pritet të përgatisë një ofertë për mesfushorin e Chelseat, Enzo Fernandez, i cili sezonin e kaluar mbajti shiritin e kapitenit te londinezët.
“Duhet të presim edhe katër ose pesë ditë, deri në mbylljen e afatit kalimtar, për të parë nëse mund të shtojmë një ose dy kapitenë të tjerë”, deklaroi Maresca.
Trajneri italian theksoi se aktualisht Ruben Dias dhe Erling Haaland janë dy kapitenët e skuadrës, por dëshiron të ketë edhe alternativa të tjera me përvojë dhe autoritet në dhomën e zhveshjes.
“Është afati kalimtar. Gjithçka mund të ndodhë. Do të shohim”, shtoi ai.
Ditët e fundit të merkatos pritet të jenë vendimtare për Manchester Cityn, që synon të kompletojë riformatimin e skuadrës me të paktën një tjetër figurë me profil lideri.
