Kongresmeni amerikan Jim McGovern ka reaguar me shqetësim për protestat në Shqipëri, duke i bërë thirrje qeverisë të nda...
SPORT
Marotta: Sommer nuk ka nevojë për këshilla, kritikat janë pjesë e lojës
PiranjatPërditësimi i fundit 27 Nëntor 2025, 09:09
Presidenti dhe administratori i deleguar i Interit, Giuseppe Marotta, foli për ‘Prime Video’ pak minuta para sfidës së Champions League kundër Atletico Madrid. Ai u ndal fillimisht te derbi i fundit:
“Nga derbi duhet të marrim paraqitjen, e cila ishte më shumë se e mirë.
Duhet ta përballojmë këtë ndeshje me të njëjtën vendosmëri. Fatkeqësisht, rëndësi ka vetëm rezultati.
Atletico ka një mënyrë loje të ngjashme me Milanin, shpresojmë vetëm që rezultati të mos jetë i njëjtë.”
Duke folur për rrugëtimin e klubit, Marotta u shpreh:
“Jemi duke vazhduar në mënyrën më të mirë të mundshme ngjitjen tonë krahasuar me disa vite më parë.
Kemi arritur nivele të rëndësishme, edhe pse nuk kemi mundur ende ta fitojmë trofeun.
Besoj se është një rrugëtim shumë pozitiv, si në aspektin sportiv, ashtu edhe financiar dhe atë të pasurisë së klubit, sidomos me hapat e parë drejt stadiumit të ri.”
Ndërsa për portierin Yann Sommer, i cili së fundi ka qenë në qendër të kritikave, Marotta mbajti një qëndrim të qartë:
“Sommer nuk ka nevojë për këshilla. Edhe portierët më të mëdhenj kritikohen. Është pjesë e lojës, sepse kur gabon një portier, shpeshherë është gol.
Ne kemi maksimumin e vlerësimit për të, është një profesionist i jashtëzakonshëm.”
