Një 47-vjeçar i shpallur në kërkim për plagosjen me armë zjarri të një 22-vjeçari dhe vjedhjen e automjetit t...
SPORT
Miliona për pjesëmarrësit e Botërorit 2026, ja sa do të fitojë çdo kombëtare dhe kampioni i botës!
PiranjatPërditësimi i fundit 22 Qershor 2026, 13:27
FIFA ka njoftuar një shpërndarje rekord fondesh për Botërorin 2026, ku po marrin pjesë 48 kombëtare. Sipas të dhënave zyrtare, organizata do të ndajë gjithsej 871 milionë dollarë, një rritje prej 15% krahasuar me edicionin e Katarit dhe shuma më e madhe në historinë e turneut.
Çdo kombëtare pjesëmarrëse do të përfitojë të paktën 12.5 milionë dollarë. Kjo shumë përfshin 10 milionë dollarë për kualifikimin në turne dhe 2.5 milionë dollarë shtesë si “kontribut përgatitor”, i cili mbulon shpenzimet për grumbullimet, udhëtimet dhe logjistikën.
Sipas raportimeve, rritja e këtyre pagesave lidhet edhe me organizimin më kompleks të turneut, i cili për herë të parë do të zhvillohet në tri vende: Shtetet e Bashkuara, Kanada dhe Meksikë.
Përveç pagesës bazë, FIFA ka parashikuar edhe subvencione shtesë për ekipet me më pak burime financiare, si dhe rritje të numrit të biletave të alokuara për delegacionet, me një vlerë totale që kalon 16 milionë dollarë.
Fituesi i Botërorit do të shpërblehet me 50 milionë dollarë, ndërsa finalistja do të përfitojë 39 milionë dollarë. Këto shifra konfirmojnë edhe një herë rritjen e madhe financiare të futbollit ndërkombëtar dhe rëndësinë ekonomike të turneut më të madh në botë.
