Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
SPORT
Në janar marrëveshja dështoi për 10 minuta, klubi që do të luajë në Europë nuk heq dorë nga… Uzuni
PiranjatPërditësimi i fundit 26 Maj 2026, 20:54
Skuadra e Trabzonsporit duket se është “dashuruar” me lojtarët shqiptarë. Pas shkëlqimit të Ernest Muçit, kampionët e Kupës së Turqisë, kërkojnë të transferojnë edhe Myrto Uzunin. Këto janë raportimet e fundit që vijnë nga Turqia.
Në janarin e këtij viti palët kanë qenë në negociata të avancuara, teksa vetë Uzuni tregoi më vonë se marrëveshja ishte e mbyllur, por ‘u prish për dhjetë minuta’.
“Kisha një ofertë shumë të mirë nga Trabzonspori dhe mund të bashkohesha me Ernest Muçin aty. Ishte i mbyllur si transferim, por gjithçka u prish për dhjetë minuta. Trajneri donte shumë të më merrte në ekip, të gjithë ishin dakord dhe oferta ishte e lartë. Ishte njësoj sa ekipi i Austin më bleu te Granada (12 mln euro)”, deklaronte Uzuni në një prononcim për “FSHF”.
Duket se ekipi turk vijon të ndjekë me interes sulmuesin e kombëtares shqiptare që aktivizohet me Austin në SHBA, bën me dije ‘HaberGo’. Kontrata e tij deri në fundin e vitit 2027 bën që edhe Austin të jetë e vëmendshme ndaj ofertave që mund të vijnë.
Paraqitjet pozitive të Uzunit në këtë edicion kanë bërë që Trabzonspori të rikthehet në skenë, duke e parë atë si profil të përshtatshëm për të përforcuar repartin sulmues për sezonin e ardhshëm.
Transferimi të skuadra e Muçit, do të ishte një hap pozitiv për Uzunin, duke marrë parasysh faktin se Trabzonspori do të luajë në arenën europiane në edicionin e ri.
