Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
SPORT
Rekordi i Canës? Hysaj pas fitores ndaj Letonisë: Bëjmë gjithçka për Botërorin. Nuk mund të luajmë më për këtë rezultat
PiranjatPërditësimi i fundit 9 Shtator 2025, 23:25
Mbrojtësi i Kombëtares, Elseid Hysaj u shpreh i lumtur pas fitores 1-0 ndaj Letonisë, takim ky i vlefshëm për Kualifikueset e Botërorit.
“Është një ndeshje shumë e rëndësishme dhe duhej fitorja se s’bën që të vazhdohej ëndrra që kishim në kokë. Jam gëzuar që fituam, dhe pse një ndeshje me shumë lodhje mendore e fizike, këto ndeshje duhet t’i mbyllim shumë më shpejt se sa t’i lëmë 1-0.
Unë e kuptoj Brojën çfarë lojtari është e mundohem ta vë në pozitën më të mirë. Është një djalë me potencial të fortë, por është pak si i mbyllur në veten e tij. Por jam i bindur që herët a vonë do shpërthejë e do të na ndihmojë më shumë.
Nuk mundemi më të luajmë me 1-0, se futbolli ka ndryshuar. Edhe Serbia, edhe ne mund të bënim gol në fund. Me raste duhet të shfrytëzonim e shkonim 2-0, se mund të komplikohej ndeshja në fund. Duhet të punojmë më shumë në fazën sulmuese.
Rekordi i Canës? “Kjo është një ëndërr që po e përjetoj se të barazosh një lojtar si Cana është nder i madh për mua e shpresoj ta kaloj e bëj 100. Shpresojmë të fitojmë të radhës, po fituam besoj se do të jetë ndeshja më e bukur e jetës time. Serbia? E morëm vesh, shumë bukur doli”, tha ai.
