Sali Berisha deklaron se Belinda Balluku duhet të ishte prapa hekurave dhe jo të ecte e lirë. Në një komunikim me gazetarët, kre...
SPORT
SKANDALI/ Favorizonte Interin, ja tre çështjet që po gjykohet Rocchi
PiranjatPërditësimi i fundit 26 Prill 2026, 23:34
Zhvillime të reja kanë dalë në dritë në futbollin italian, ku kreu i arbitrave, Gianluca Rocchi, është vënë nën hetim për tre çështje të rënda dhe ndërkohë ka vendosur të vetë-pezullohet nga detyra.
Sipas raportimeve të agjencisë AGI, ndaj Rocchit rëndojnë tre akuza kryesore që lidhen me ndikim të mundshëm në caktimin e arbitrave dhe ndërhyrje në sistemin VAR.
Akuza e parë lidhet me një ndeshje të zhvilluar në prill 2025 mes Bologna dhe Inter, ku Rocchi dyshohet se ka favorizuar caktimin e arbitrit Andrea Colombo, i konsideruar si i “pëlqyer” nga klubi zikaltër.
Rasti i dytë ka të bëjë me një takim të mbajtur në San Siro gjatë gjysmëfinales së parë të Kupa e Italisw më 2 prill 2025. Sipas akuzave, Rocchi ka ndikuar në përzgjedhjen e arbitrit Daniele Doveri për ndeshjen e kthimit mes Milan dhe Inter, me qëllim që të shmangte caktimin e tij në ndeshjet e mëvonshme të Interit në Serie A, të cilat konsideroheshin vendimtare për titullin kampion.
Akuza e tretë lidhet me një ndeshje të marsit 2025 mes Udinese dhe Parma. Rocchi dyshohet se ka shkelur protokollin e VAR-it duke ndërhyrë si mbikëqyrës dhe duke ndikuar tek arbitri i VAR-it, Daniele Paterna, për të sugjeruar rishikim në fushë (On Field Review) ndaj gjyqtarit kryesor Fabio Maresca, çka çoi në akordimin e një penalltie për ekipin friulan, pavarësisht se Paterna kishte një mendim të ndryshëm fillestar.
Hetimet janë në vijim, ndërsa rasti pritet të ketë ndikim të gjerë në besueshmërinë e sistemit arbitrues në futbollin italian.
