Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
SPORT
Ter Stegen pranë rikthimit te Barcelona, por Hansi Flick sqaron: Numri 1 mbetet Joan García
PiranjatPërditësimi i fundit 9 Dhjetor 2025, 09:35
Barcelona po kalon një periudhë tranzicioni mes shtyllave, me pasiguri dhe ndryshime të vazhdueshme, por më në fund duket se horizonti po pastrohet.
Pas më shumë se katër muajsh mungesë, Marc-André ter Stegen është shumë pranë rikthimit në fushë, edhe pse pozita e tij si titullar nuk është më e sigurt.
Trajneri Hansi Flick, të hënën, dha sinjalet më optimiste deri tani, por njëkohësisht vuri në dukje realitetin e ri te gjiganti katalanas, ku Joan García ka fituar statusin e portierit kryesor.
Portieri gjerman është rikthyer prej ditësh në stërvitje me intensitet të plotë dhe Flick konfirmoi se ai “po i afrohet gjithnjë e më shumë” grumbullimit.
Madje, trajneri nuk e përjashtoi mundësinë që ter Stegen të jetë i disponueshëm për sfidën e Champions League ndaj Eintracht Frankfurt-it, shenja më e qartë që rikuperimi i tij po hyn në fazën finale.
Pas operacionit të 29 korrikut për problemet në shpinë që e shqetësonin prej Europianit, Barcelona ka ndjekur një protokoll të kujdesshëm rehabilitimi.
Në seancën e fundit, ter Stegen u pa duke punuar në fushë krah Joan García-s dhe Wojciech Szczesny-t, pa asnjë portier të akademisë, imazh që tregon se ai është shumë afër rikthimit.
Edhe pse rikthimi i kapitenit është i afërt, Flick nuk ka ndërmend të ndryshojë hierarkinë.
“Joan García është numri një,” deklaroi trajneri me vendosmëri.
Ai ka gjetur stabilitet te portieri i ri dhe nuk synon të prishë ekuilibrat e krijuar.
Ter Stegen pritet të rikthehet gradualisht, fillimisht si pjesë e grupit, e më pas duke luftuar për vendin që dikur dukej i padiskutueshëm.
