Ditën e sotme do të dalë para trupës gjykuese daja i deputetes socialiste, Zegjine Çaushi, Bledar Bakaj. Bakaj i cil...
SPORT
“Toka e premtuar” nuk i sjell fat, Uzuni humbet 2 milionë euro në 3 muaj
PiranjatPërditësimi i fundit 25 Dhjetor 2025, 12:44
Ndër vite, Myrto Uzuni mbetet një nga legjionarët më të rëndësishëm, një sulmues plot klas, një “xholi” për çdo trajner që është ulur në stolin kuqezi. Në kulmin e karrierës së tij, gjatë kohës kur ishte te Granada, Uzuni befasoi jo pak duke zgjedhur të transferohet në Amerikë, tek ekipi i Austin.
Sigurisht, kjo ishte një zgjedhje e vështirë, por në fund Uzuni vendosi të zgjedh familjen, një kontratë të mirë financiare, por që në aspektin sportivi ka kushtuar pak, kjo reflektohet edhe në vlerën e tij të kartonit.
Gjatë kohës kur ishte pjesë e Granda-s, kartoni i tij kapi majën, 10 milionë euro, shifër që pagoi Austin për ta marrë në Amerikë. Që nga ajo kohë, kartoni i Uzunit ka pësuar një rënie të ndjeshme pasi sot vlerësohet me 5 milionë euro, është përgjysmuar në më pak se një vit.
Në përditësimin e fundit të bërë publik nga “Transfermarkt”, Uzuni vlerësohet në treg me 5 milionë euro. Vetëm në 3 muajt e fundit, Uzuni ka humbur 2 milionë euro. Pavarësisht këtij detaji, Uzuni mbetet një nga legjionarët e kërkuar në treg, por sulmuesi kuqezi e ka bërë të qartë se do të respektojë kontratën e tij me ekipin e Austin, nuk ka ndërmend të largohet.
