“Armand Shakaj, më kërkoi të fikja dritat. Më tha se do të nxirrte një frigorifer. Nuk kam asnjë dijeni për fati...
SPORT
U bë milioner në SHBA por u harrua, futbollisti i Kombëtares vendos të kthehet aty ku mori famë dhe u bashkohet “ujqërve”
PiranjatPërditësimi i fundit 10 Qershor 2026, 12:44
Aventura e Xhakomo Vrionit në Itali ka mbaruar shumë më shpejt se sa mendohej. Sulmuesi i Kombëtares shqiptare i ka dhënë lamtumirën Çezenës dhe është zyrtarizuara sot si futbollisti më i ri i Volfsberger në kampionatin austriak.
Vrioni u largua në vitin 2022 drejt SHBA ku luajti me Nju Inglënd dhe Montreal në MLS. Një aventurë që e bëri milioner pasi përfitoi më shumë se 6 milionë dollarë në katër vite, por që e la në hije sa i përket futbollit të rëndësishëm dhe e largoi edhe nga radhët e Kombëtares.
Tani Vrioni është kthyer në Austri, ku ka firmosur për dy vite në një kampionat që njeh mirë, pasi në vitin 2022 ai u largua nga atje si golashënuesi më i mirë i tij, duke ndarë vendin e parë me Karim Adejemin.
“RZ Pellets WAC njofton firmën me sulmuesi 27-vjeçar Xhakomo Vrioni.
Futbollisti i lindur në Itali i bashkohet klubit nga skuadra e Serisë B, Çezena. Futbollisti i cili më parë ka luajtur me moshat e Italsië dhe më pas me Kombëtares shqiptare, ka lënë shenjën e tij në Bundesligën austriake. Në sezonin 2021-2022, futbollisti i huazuar asokohe nga Juventusi, luajti nën drejtimin e Tomas Silberberger tek WSG Tirol dhe me 19 gola, ndau titullin e golashënuesit më të mirë me Karim Adejemin.
Pas dy etapave në MLS me Nju Inglënd (22 gola në 78 ndeshje) dhe CF Montreal (4 gola në 10 ndeshje), ai u kthye në Itali 6 muaj më parë për t’u bashkuar me Çezenën. Tani ai kthehet në Bundesligën austriake, ku lojtari 188 cm i gjatë ka firmosur një kontratë dyvjeçare me “ujqërit”, shkruhej në njoftimin e klubit austriak.
