Presidenti amerikan, Donald Trump ka deklaruar se do të ishte i hapur për një takim me udhëheqësin suprem të Iranit, Mojtaba Kha...
SPORT
Van Dijk “sulmon” Salah/ Kapiteni i Liverpool: Askush nuk ka kredite të pakufizuara
PiranjatPërditësimi i fundit 5 Dhjetor 2025, 16:02
Te Liverpuli tensioni dhe presioni duket se po rriten dhe këtë herë në qendër të vëmendjes është bërë Salah. Kapiteni i të kuqve Van Dajk ka folur hapur për situatën e sulmuesit egjiptian, duke e sulmuar indirekt atë, por duke dërguar një mesazh të qartë për të gjithë skuadrën.
‘Askush nuk ka kredite të pakufizuara.’
Këto ishin fjalët e kapitenit të Liverpoolit, Virgil Van Dijk në lidhje me qëndrimin në stol të yllit egjiptian Mohammed Salah. Mbrojtësi holandez ka folur hapur për këtë situatë dhe mesazhi i tij është i qartë se askush nuk ka privilegje dhe askush nuk ka kredite të pakufizuara.
Të dielën, në fitoren 2-0 ndaj West Ham, Salah nuk luajti asnjë minute, ndërsa në sfidën e radhës ndaj Sunderland-it ai hyri në lojë në fillimin e pjesës së dytë. Dy ndeshje radhazi ku Salah e nis nga stoli, diçka që nuk kishte ndodhur që prej ardhjes së tij në ‘Anfield’ në vitin 2017.
“Askush nuk ka merita të pakufizuara. Të gjithë duhet të japin maksimumin. Ne duam çfarë është më e mira për klubin. Jam i sigurt se Mo do të ketë sërish një rol të rëndësishëm, sepse ai është një lojtar fantastik… por të gjithë duhet të punojmë fort”, deklaroi Van Dijk.
Ai theksoi se Salah avarësisht reputacionit të tij, duhet të trajtohet si çdo lojtar tjetër. Sipas kapitenit, forma e dobët e sulmuesit dhe kriza e përgjithshme e ekipit kanë kërkuar vendime të vështira nga trajneri Arne Slot.
Deri më tani, Salah ka realizuar vetëm 4 gola në Premier League, shumë më pak nga ç’jemi mësuar të shohim nga ai. Ndërkohë, Liverpooli ka pësuar 6 humbje në kampionat, 2 më shumë se i gjithë sezoni në të cilin ata fituan titullin kampion një sezon më pare.
Tekniku Slot duket se ka zgjedhur të bëjë një lëvizje të fortë, duke e lënë Salah jashtë formacionit titullar në 2 ndeshjet e fundit, në kërkim të një reagimi nga lojtari dhe nga vetë skuadra.
Sipas Van Dijk, presioni i madh ndaj Salahut nuk duhet ta shpërqendrojë atë.
“Salah është lojtar i jashtëzakonshëm, i klasit botëror. Ai do të përmirësohet, por i duhet kohë. Nuk duhet të rrëmbehet nga zërat e jashtëm, ku gjithçka shihet ose shumë mirë, ose shumë keq. Ai nuk duhet të ndikohet nga statistikat”, përfundoi 34-vjeçari.
Kapiteni insistoi se përveç golave apo asistimeve, kontributi i një lojtari matet gjithashtu nga puna e tij për ekipin, nga angazhimi dhe nga reagimi në momente të vështira.
Kjo situatë ngre pikëpyetje për të ardhmen e Salah te Liverpooli, që së fundmi është aluduar shpesh për një largim të tij nga Anglia.
