Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
AKTUALITET
Kokainë në lëkurë bagëtish/ Laborator në mes të Krujës dhe trafik ndërkombëtar SPAK kërkon ekspertë të huaj për nxjerrjen e drogës nga 48 ton lëkurë e kriposur
PiranjatPërditësimi i fundit 16 Janar 2026, 11:34
Prokuroria e Posaçme kundër Korrupsionit dhe Krimit të Organizuar (SPAK) ka mbyllur hetimet dhe ka nisur komunikimin zyrtar të akuzave për personat e përfshirë në trafikun e kokainës nga Amerika Latine drejt Shqipërisë, e fshehur në lëkurën e bagëtive.
Raportohet se sipas hetimeve, lënda narkotike transportohej drejt vendit tonë e përpunuar në lëkurat e gjedhëve, ndërsa ndarja e kokainës realizohej në një laborator të improvizuar në zonën e Qerekës, në Krujë.
Burime nga hetimi bëjnë me dije se SPAK ka qenë në dijeni të lëvizjeve të grupit kriminal dhe ka lejuar vijimin e aktivitetit për dy ngarkesat e fundit, në muajt shtator dhe nëntor, për të dokumentuar plotësisht veprimtarinë kriminale.
Në këto dy ngarkesa janë futur në Shqipëri rreth 48 tonë lëkurë gjedhi, brenda të cilave dyshohet se ishte fshehur edhe sasia e kokainës. Gjatë kontrolleve të ushtruara në laboratorin në Qerek, autoritetet sekuestruan rreth 850 lëkurë bagëtish të kriposura.
Sipas SPAK, për nxjerrjen dhe përpunimin e lëndës narkotike do të angazhoheshin shtetas të huaj, të specializuar në këtë metodë, të cilët do të vinin posaçërisht në Shqipëri. Në kuadër të këtij operacioni, Prokuroria e Posaçme ka lëshuar gjithsej 10 urdhër-arreste, mes të cilëve tre për shtetas të huaj.
