Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
AKTUALITET
15-vjeçari i zhdukur prej dy ditësh në Shkodër/ Babi i përlotur: U largua sepse i bërtita, i kërkoj të kthehet pasi e presin nëna, motra e vëllezërit
ZH.LLPërditësimi i fundit 12 Nëntor 2024, 13:08
15-vjeçari
SHKODËR- Një 15-vjeçar nga Postriba e Shkodrës, prej dy ditësh ka humbur kontaktet me familjen e tij. Ishte babai i tij, Agim Bibaj i cili ka denoncuar menjëherë rastin në polici, pasditen e 11 nëntorit, ndërsa detaje të reja dalin në dritë.
Babai i 15-vjeçarit tregon se djai ishte nisur në mëngjes për në shkollë, për nuk është futur në mësim dhe është larguar në drejtim të paditur. Bibaj thekson se nuk ishte në dijeni deri sa ishte kthyer në shtëpi e më pas ka shkuar menjëherë në polici për ta denoncuar humbjen e djalit të tij. Ai dyshon se shkak i largimit të djalit nga shtëpia, mund të jenë kritikat që i bënte herë pas here.
“Djali më ka humb dje. Ka shkuar për në shkollë, shokët e tij kanë shkuar në shkollë, ai nuk ka shkuar. Kam ikur në punë herët. Kur jam kthyer më ka thënë nusja që nuk është kthyer akoma. Policia ka bërë gjithë të mirat, por akoma nuk është gjetur gjë”, tha Bibaj.
Babai i të miturit tregon edhe bisedat e 15-vjeçarit me shokët e tij, të cilit i kishte njoftuar se nuk do të shkonte në shtëpi pasi i trembej reagimit të babait. Por ky i fundit, mohon të ketë ushtruar dhunë ndaj tij dhe sipas tij vetëm se e ka këshilluar për sjellje të mirë.
“Kishte bërë disa sherre dhe i kam bërtitur. Ai i kishte thënë shokëve të vet që ‘kam frikë të shkoj në shtëpi se mos më rreh babai, do iki në Tiranë’. I kam bërtitur vetë, që të mos bëjë sherre me njeri. Djalin kërkoj, e kërkon nëna, motra dhe vëllezërit”, tha ai më tej.
I prekur, Agim Bibaj i bën thirrje kujtdo që mund ta ketë parë djalin e tij që ta njoftojnë. Po ashtu ka një thirrje edhe për të birin duke i thënë që të kthehet sa më parë sepse e kërkojnë nëna, vëllezërit dhe motra.
Ndërkohë, bëhet me dije se polica e Shkodrës është vënë menjëherë në kërkim të 15-vjeçarit, teksa ende nuk është njoftuar asnjë lajm në lidhje me të miturin.
