Grupi Parlamentar i Partisë Demokratike ka kërkuar zhvillimin e një mocioni me debat mbi raportin e Komisionit Evropian për Shqipërin...
AKTUALITET
"5 VKM nominale për Ron Yeffet", Shehaj: Kontrata të dyshimta, pse SPAK nuk e merr në pyetje Ramën
PiranjatPërditësimi i fundit 16 Prill 2026, 19:48
Emisioni Investigativ Plug, ka zbardhur detaje të reja për historitë me zhvatje dhe mashtrim të biznesmenit Ron Yeffet, i njohur si mik i kryeministrit Edi Rama.
E ftuar sot në “Task Force” Brisida Shehaj hedh dritë në kontratat e dyshimta të miratuara nga Këshilli i Ministrave.
"Të gjitha VKM-të ka bërë Edi Rama për KAYO-n, janë katër, pesë.
Shqetësimi më i madh që duhet të ngrejë opozita dhe unë mendoj që nuk duhet të mjaftohen me këto interpelanca, duhet të kërkojnë të gjithë dokumentacionin urgjent të analizojnë mënyrat se si janë lidhur këto kontrata. Duke bërë edhe një background të veprimeve ligjore që ka kryer Rama dhe të asaj çka kërkohet nga këto VKM që të plotësojë kompania që lidh kontratën, aty kupton dhe sa mik dhe sa shok dhe sa xhan apo sa i vlefshëm mund të jesh ti për Edi Ramën...
Duhet të kuptojmë një gjë që, ai ka dy kontrata, pra ka dy kompani me Kajo, Roni Yeffet. Një e ka për të prodhuar këto automjetet e blinduara, Shotën e famshme, të paçertifikuar kërkund, që nuk ishte prodhuar, pra ne nuk kemi prodhim. Timak-u i asaj vajzës që erdhi nga Turqia, me atë prestanomin tjetër nuk bënte prodhim.
Të gjitha tenderat që ka fituar ajo zonja në Shqipëri me Timak-un, janë të gjitha tendera që janë dhënë nga institucione shtetërore, por janë dhënë për kompani, për mjete, zjarrfikëse, ambulanca të cilat nuk janë prodhuar në Shqipëri. Në rastin më të mirë i ka prodhuar babai i asaj në Turqi. Këtu ka thjesht montim, prandaj nuk ka as punonjës, as teknologjinë e ngritur.
Por me këtë VKM e parë, që ky zotëria do, me gjithë Kajon, do ndërtojnë automjete të blinduara në Shqipëri, të pajisura me teknologjinë e fundit. Kjo kompania duhet të investonte 15 milionë euro në tre vite. Po. 15 milionë euro nuk i ka faturim Timaku.
Ndërsa kompania e dytë e krijuar është për prodhimin e armëve të kalibrit të vogël dhe të mesëm dhe të dronëve. Pra, ato dronët që thotë Rama. Po sipas VKM-së, për të bërë atë gjë duhet të investoja 50 milionë euro në tre vite. Pra vetëm këto dy VKM-të që ka këto dy kompanitë, sipas përcaktimeve që ka po VKM-ja e krijuar, Ardi Veliu mund të lidhte kontratë me këto kompani. Themelonte këto kompanitë e tjera, vetëm nëse fakturonin që këto kishin mundësi të investonin 65 milionë, 70 milionë euro. Në tre vite. Ku i ka?
Pse u detyrua, Roni Yeffeti, mbasi u miratuan VKM-të nga Edi Rama, të hynte në negociata që bëhen me Ardi Veliun. Të hynte në këtë negociatë duke blerë me 490.000 euro 49% të aksioneve të kësaj kompanisë Timak. Pse nuk erdhi me këto kompanitë gjigande? Se ky është biznesmen i suksesshëm. Ka kompani në Amerikë, ka bërë investime në Senegal, thotë, në Itali ka bërë investime, thotë, ka bërë në Izrael.
Pse nuk hyri me këtë kompaninë e tij ndërkombëtare? Këtë kompaninë me të cilën bën edhe kontrata në emër të një shteti anëtar të NATO-s? Për kë shtet ka negociuar Roni Yeffeti, ka firmos 5 milionë dollarë, kujt do ja sjelli këtë sistem?
Pra të kuptojmë çfarë është Roni, duhet të kuptojmë çfarë veprimesh ligjore bëjnë këta. Pra, këta bëjnë, ndërtojnë Kajon, bëjnë ca VKM, që Kajo të krijojë shoqëri me ca partnerë të nderuar. Na del që partneri i nderuar është ky Timaku i kësaj vajzës që ka ardhur nga Turqia, dhe meqë s'kemi si e fusim Ronin, e fusim aksioner aty. Ku i gjeti 65 milionë euro se s'është vetëm ajo. Kriteri është duhet të ketë linja të ngritura teknologjie, të prodhojë, të provojë kapacitetet e veta. Çfarë linje teknologjie? Ata s'prodhojnë asgjë.
Kemi kontrata që lidhen në emër të dyshuara.
Në asnjë moment shteti nuk duhet të investonte para. Pra investimi i vetëm që bën shteti është toka. Po. Ndërkohë kemi në rastin e Timak Defence-it, që ai në momentin e krijimit, dy-tre muaj pasi është krijuar, pra në tetor, nëntor të vitit 2025, ka marrë 10 milionë euro pagesa. Dhe që janë paradhënie nga repartet ushtarake. Pra, nuk i ka dhënë Kajo para, ka lidhur kontrata me repartet tona ushtarake, për t'i furnizuar me, me automjetet e blinduara.
Janë 10 milionë euro paradhënie të marra. Pra me këtë 10 milionë euro, ai pretendon të ngrejë teknologjinë dhe të nisë të prodhojë ndonjë gjë. Kjo gjë është e jashtëligjshme në këtë rast.
Dhe pika e fundit që kam e kam me SPAK-un. Ilir Meta mbahet në burg, sepse ata i thonë, kur ka qenë ky i ÇEZ-Dias, Kastriot Ismailaj, në Vjenë, te ai hoteli ke fjetë dhe ti. Arben Ahmetajt i thotë, ke bërë ti udhëtime me Mirelin, dhe unë do të hetoj ty për korrupsion e pastrim parash. Po dhe Ilir Beqaj në burg.
